Ёзарнинг саси: Ўзбекнинг пахтакорлигига ачинган даҳо

Таниқли ўзбек ёзувчиси Одил Ёқубовнинг бу фикрлари 2008 йилнинг июнида машҳур қирғиз ёзувчиси Чингиз Айтматов вафоти муносабати билан “Озодлик” радиосида янграган эди.

“Чингиз Айтматов минг йилда бир дунёга келадиган буюк даҳо эди. Шу билан бирга, у ўзбекнинг дардини чуқур билган шахс ҳам бўлган”, деган эди марҳум ўзбек ёзувчиси Одил Ёқубов.

Унинг сўзларига кўра, совет даврининг сўнгги йилларида олти миллион тонна пахта етиштирган ўзбеклар меҳнатига ҳайратланиш баробарида Чингиз Айтматов халқнинг азобини тасаввур қилган ва ачиниш билан қараган.

Ўзининг «Улуғбек хазинаси», «Кўҳна дунё», «Диёнат» каби романлари билан танилган Одил Ёқубов 1926 йил 20 октябрда ҳозирги Жанубий Қозоғистон вилоятининг Қарноқ қишлоғида туғилган. 2009 йил 21 декабрь куни Тошкент шаҳрида вафот этган.

Eltuz.com