close
close
Асосий мавзулар
13 октябр 2020

“Самосуд”чи фермер устидан жиноят иши очилди

close

3 октябрда Навоий вилоятининг Қизилтепа тумани “Янги ҳаёт” маҳалласи ҳудудида жойлашган фермер хўжалиги раҳбари Ж.Н. ишчиси С.Ш.ни сазойи қилиб, таҳқирлаб, дарахтга боғлаб кетди.

Ижтимоий медианинг ўзбек сегментида бу “самосуд” видеоси тарқалгани ортидан фермернинг қилмишига ИИБ эътибор қаратди.

Фермер қўлида ишловчи бошқа ишчининг айтишича, воқеа кундузи тушдан сўнг содир бўлган. Ёлланма ишчи С.Ш. сал олдин фермер хўжалиги раҳбари Ж.Н.ни ҳақорат қилган.

Бу қонунбузарлик юзасидан “Элтуз” мухбири ИИБ ва маҳалла ходимлари, фермер хўжалигида ишлайдиган бошқа бир ишчининг фикрлари билан қизиқди.

Ишчининг айтишича, С.Ш. икки йилдан буён Ж.Н.нинг қўлида ёлланма мавсумий ишчи бўлиб ишлайди. Яқин кунлардан буён фермер билан ўртасида гап қочиб юрган. 

Суҳбатдошнинг айтишича, С.Ш. кўп ичади ва ичганда ўзини билмай қолади. Ўша куни, яъни 3 октябрда ҳам у маст бўлган. Фермерни куракда турмас сўзлар билан ҳақорат қилган. Бу воқеага бошқа ишчилар ҳам гувоҳ бўлган. Ж.Н. жаҳл устида ишчисини калтаклаб, қаёққадир кетган. Бу орада С.Ш. жанжал бўлган ерда ухлаб қолган.

Қизилтепа тумани ИИБга яқин мулозимнинг айтишича, ғазабланган фермер қўшни фермер хўжалигида ишлайдиган тракторчи билан қайтиб келиб, С.Ш.ни ўласи қилиб уриб, кейин уни трактор тиркамасига чиқарган (“Элтуз”га тақдим этилган видео айнан тиркама устида олинган). 

Ж.Н. ҳамма ёғи қон, бўйнига ип боғлиқ С.Ш.ни фермер хўжалигидан узоқ бўлмаган ердаги дарахтга боғлаб кетган. Бу пайтда С.Ш. ўзида бўлмаган. Тахминан бир соат ичида С.Ш. ўзига келган  ва гувоҳлар ёрдамида туман шифохонасига ётқизилган.

Бу воқеага оид видео 7 октябрда ижтимоий тармоқларда тарқалади. Кенг жамоатчилик эътиборига тушгандан сўнггина бу иш назоратга олинган.

Унгача на маҳалла нозири, на ИИБ бундан хабар топмаган. Қолаверса, шифохонада С.Ш. ҳолати ёмон бўлишига қарамай, тиббий экспертиза тайинланмаган.

ИИБга яқин мулозимнинг хабар беришича, ҳозир “самосуд” воқеаси юзасидан жиноят иши қўзғатилиб, суриштирув ишлари олиб борилмоқда.

“Элтуз” мухбири “самосуд” қаҳрамонлари бўлган фермер ва ишчининг ўзи  билан боғлана олмади.

Сўнгсўз ўрнида айтиш мумкинки, Ўзбекистонда бунга ўхшаш воқеаларни видеога олиш янгилик бўлмай қолди. Бозорда чек тарқатувчи фарғоналик аёл, ўз уйида эри билан бегона аёлни ушлаб олган ва уни қўшнилари билан калтаклаган хоразмлик хотин, ҳайдовчиларни “сотиб” юрган хоразмлик аёлнинг улар томонидан калтакланиши… 

Хуллас, бундай воқеаларга мисолларни кўплаб келтириш мумкин.

Eltuz.com

Тағин ўқинг
9 апрел 2019
Тошкент ҳокими Жаҳонгир Ортиқхўжаев пойтахт бўйлаб 9 май куни Россиянинг “Ўлмас полки” юриши ўтказилишига 4 апрелда расман рухсат берди. ...
25 март 2016
“Жаҳон” ахборот агентлигининг бир қанча маҳаллий нашрларда босилган хабарида Шанхай ҳамкорлик ташкилоти расмий сайтида “Ўзбекистон иқтисодиётидаги барқарор ўсиш тамойили ...
11 феврал 2017
Халқаро меҳнат ташкилоти (ХМТ) 2016 йилги пахта йиғим-терими мавсумида болалар меҳнати ва мажбурий меҳнат мониторинги якунларига оид ҳисоботини эълон ...
25 май 2020
2010 йилда 25 май санаси National Center for Missing and Exploited Childrenэ – NCMEC ташкилоти ташаббуси билан Йўқолган болалар ...
Блоглар
27 октябр 2020
Тўқсонинчи йилларда талаба эдим. Данғаралик таниқли журналист Шокирали Нуралиев: “Капитализм ҳуқуқсиз, ёлланма ишчиларни эзиб ишлатишдир. ...
26 октябр 2020
Ижтимоий тармоқларда популистлар томонидан Франция маҳсулотларига бойкот эълон қилиш ҳақида чақириқлар пайдо бўлмоқда. Келинглар, бу ...
22 октябр 2020
Миллий ишлаб чиқаришни ривожлантириш деган баҳона, ниқоб ёрдамида монополларимиз қонимизни сўриб ётибди. Ташқаридан истеъмол моллари ...