close
close
Асосий мавзулар
23 октябр 2020

Гулнора Каримованинг “ўпкаси яллиғланган”

close

Гулнора Каримованинг қизи Имон ўзининг фейсбук саҳифасида 22 октябрь куни ёзишича, Зангиотадаги 21-колонияда сақланаётган онасининг соғлиғи анча ёмонлашган ва унга керакли тиббий муолажалар қилинмаётир.

Сўнгги бир неча кун ичида Гулнора Каримованинг аҳволи оғирлашганини билдик, – дея ёзади Имон Каримова. – Адвокатларимизнинг телефон орқали хабар беришича, ҳозир Гулнора ўпканинг икки томонлама ҳам кучли яллиғлангани ҳолда санитария бўлимига ётқизилган. Унга тиббий ёрдам кўрсатилмаяпти, ковид-19 га тест топширишга рухсат берилмаяпти, даволаниш учун дори-дармон ва аппаратлар бериш ҳам тақиқланган. 

Имон Каримованинг иддао қилишича, онасининг адвокатлари, фарзандлари ва яқинлари томонидан уни даволаш учун қаратилган саъй-ҳаракатлар Ўзбекистон президенти маъмуриятининг буйруғига асосан қасддан чеклаб қўйилмоқда. 

Унинг қайд этишича: “У (Гулнора Каримова) жойлашган КИН-21 биносининг икки ходими сўзларига кўра, 19 октябрь куни эрталаб Зангиота зонаси бошлиғи кабинетига президент маъмуриятидан қўнғироқ бўлган. Суҳбат бўлиб ўтганидан сўнг бино бошлиғи Гулруҳ Каримова санитария бўлимидаги ҳар бир ходимга ҳозирча “юқоридан” буйруқ бўлмагунча, Гулнора Каримовага ёрдам кўрсатиш тақиқланганини шахсан хабар қилади”.

Имон Каримова ўз постида бу ишда бош вазир Абдулла Ариповнинг қўли борлигига ишора қилган:

– … Гулруҳ Каримова буйруқ Ўзбекистон бош вазири Абдулла Арипов томонидан маъмурият орқали етиб келганига шаъма қилмоқда. Телекоммуникация вазири бўлган пайтида МТС, Билайн ва Телия каби компанияларнинг Ўзбекистон телекоммуникация бозорида олигополия яратишига айнан Абдулла Ариповнинг имзоси имкон берганини, эҳтимол,  юртимиздаги барча одамлар эсласа керак.

Ўзбекистон собиқ президентининг тўнғич қизи Гулнора Каримова 2015-2020 йилларда Ўзбекистонда иқтисодий жиноятлари учун уч марта қайта судланган.

Сўнгги бор шу йилнинг март ойида чиқарилган ҳукмга асосан Гулнора Каримовага 13 йил 4 ойлик қамоқ жазоси тайинлаган.

Тергов маълумотларига кўра, Гулнора Каримова 12 йил давомида 51,1 миллиард сўмлик активларга эгалик қилган уюшган гуруҳни назорат қилган. Бундан ташқари, Г. Каримова қарийб 2 миллиард доллар миқдоридаги хорижий валютани яширганликда гумонланган.

Ўзбекистон ҳукумати Гулнорани бутунлай изоляция қилгани ва тизимли сиёсий тергови учун танқидга учраб келади. 

Тағин ўқинг
24 март 2020
Коронавирус карантини боис ҳукумат 24 мартдан бошлаб Тошкентга кириш ва чиқишни номаълум муддатга тақиқлади. «Ўзбекистон темир йўллари» ва Uzbekistan ...
1 январ 2020
Ўзбек ҳукуматининг Россия қарамлигига интилиши фонида мамлакатда газ тақчиллиги 2019 йили ҳам давом этди. Россиянинг «Лукойл» компаниясидан Ўзбекистоннинг 600 ...
3 январ 2017
CNN-Turk каналида ëйинланган видеода Истанбулдаги Reina тунги клубига ҳужум қилган кимсанинг Истанбул халқаро аэропорти паспорт назорат бўлимидан ўтаëтган пайти ...
5 сентябр 2016
Ўзбекистон ичидаги журналистика яна бир бор навбатдаги синовдан ўта олмади. ТВси ҳам, газетаю журналлари ҳам ўта олмади. Ўзбекистонда президент ...
Блоглар
11 ноябр 2020
Пост деб ёзишга арзигулик фикр ва кечинмаларим ҳам қолмабди, чамаси. Мумтоз шоира Нодиранинг: Сен на ...
27 октябр 2020
Тўқсонинчи йилларда талаба эдим. Данғаралик таниқли журналист Шокирали Нуралиев: “Капитализм ҳуқуқсиз, ёлланма ишчиларни эзиб ишлатишдир. ...
26 октябр 2020
Ижтимоий тармоқларда популистлар томонидан Франция маҳсулотларига бойкот эълон қилиш ҳақида чақириқлар пайдо бўлмоқда. Келинглар, бу ...