close
close
Асосий мавзулар
4 апрел 2021

Нозим жаллод ўлди

close

Ўзбекистон жазони ижро этиш тизимида “биринчи рақамли жаллод” сифатида ном чиқарган Нозим Жумаев биринчи апрель куни Бухорода кўмилди. Бундан олдин у қамоқда номаълум сабабларга кўра ўлган эди. 

Нозим Бухарский лақаби билан танилган 61 ёшли Нозим Жумаев 2015 йилда қамалган эди. У гиёҳвандлик воситалари ёки психотроп моддаларни қонунга хилоф равишда тайёрлаш, олиш, сақлаш билан боғлиқ жиноятда айбдор деб топилганди. 

Бундан роппа-роса бир йил олдин, 2020 йил 1 апрелда Ўзбекистон Ички ишлар вазирлиги Жазони ижро этиш бош бошқармаси матбуот хизмати ахборот тарқатиб, “соғлиғи ëмонлашган” Жумаевнинг гуманитар асосда озод қилинмаслигини билдирган эди. 

“Навоий вилоятидаги 11-жазони ижро этиш колониясида жазо муддатини ўтаётган маҳкум Нозим Жумаев уюшган гуруҳ таркибида жиноят содир этгани сабабли унга нисбатан Жиноят кодексида кўрсатилган, муддатидан илгари шартли озод қилиш ёки жазони енгилроғи билан алмаштириш билан боғлиқ бўлган инсонпарварлик далолатномалари қўлланилмайди”, дейилганди хабарда.

Бу баёнот фаолларнинг Нозим Жумаевнинг афв қилиниши эҳтимолидан ташвиш билдирганига жавобан эълон қилинган эди. 

Инсон ҳуқуқлар фаоллари Жумаевнинг колонияда каучук қўғирчоқни дўппослаëтгани ва кириб келаëтган 2020 йил билан табриклаëтгани акс этган видеотасвирларни тақдим қилган эди.

Навоий вилояти Қизилтепа туманидаги қамоқхона собиқ маҳбусларидан бири гўëки диабет касалига чалингани важидан Жумаевга колонияда алоҳида яхши шароит яратиб берилганини айтган эди. 

Хўш, биринчи апрель куни жанозаси ўқилган Нозим жаллод ким? Маҳбуслар орасида “Палач” (Жаллод), “Лохмач” лақаблари билан ном чиқарган Нозим Жумаев 2014 йил декабрь ойида қамоққа олиниб, 2015 йилда юқорида эслатилган айбларда айбланиб 20 йилга қамалган эди.

У 2014 йили Москвадан Тошкентга махсус чақиртирилиб, МХХнинг собиқ ходимларини сўроқ қилиш чоғида қатнашишга жалб қилинганидан кейин қамоққа олингани айтилади. Нозим Жумаев ходимларнинг “тилга кириб¸ иқрорнома”ни тезроқ ëзишини таъминлаб берган.

2014 йили МХХнинг 12 ходими ҳибсга олингани ҳақида “Озодлик” маълумот берган эди. Нозим Жумаевнинг Бекободдаги қамоқхонада МХХ ходимларига бешафқат муомаласи яқинларини даҳшатга солган ва улар камераларга “Жаллод” кирмаслиги учун катта ўлпон тўлашга мажбур бўлишган.

Миллий хавфсизлик хизматининг (ҳозирги Давлат хавфсизлик хизмати) 12 нафар собиқ ходими ноқонуний тадбиркорлик, коррупция ва давлат маблағларини ўзлаштириш борасида ўз айбига иқрор бўлишига Нозим Жумаев “ҳисса қўшган”.

Улар узоқ муддатга озодликдан маҳрум қилинганидан кейин, 2014 йилнинг декабрь ойида Нозим Жумаевнинг ўзи ҳам ҳибсга олинганди.

Криминал дунëга яқин тадбиркорнинг “Озодлик”ка 2014 йилда айтишича¸ Бухородаги “Мовий гумбазлар” ресторани Нодир Жумаевга совға қилинган.

Ўзбекистонлик журналист Алексей Волосевичнинг сўзларига кўра, криминал дунë қоидаларига зид тарзда маъмурият билан ҳамкорликда иш олиб борадиган шахслар ўзбек қамоқхоналарида кўплаб топилади.

Eltuz.com

Тағин ўқинг
4 август 2016
“Адолат” газетаси “йигирма бешинчи довонга ҳам зафарли одимлар билан етиб келган лаҳзалар” ҳақида фикр юритар экан, шу кунларда ҳамманинг ...
6 апрел 2017
Ўзбекистон президенти Шавкат Мирзиëев 5 апрел куни Кремлдаги Ўзбекистон-Россия расмий делегациялари учрашувида Наманганда туғилган миллиардер Алишер Усмонов билан иссиқ ...
18 апрел 2020
Аврангзеб (тож безаги) дея тарихга кирган Абул Музаффар Муҳиддин Муҳаммад Оламгир (1618—1707) Ҳиндистонда Буюк мўғуллар империяси дея аталган давлатнинг ...
22 феврал 2016
Қирқта чинорга қирон келтирганини тан олганидан бир кун ўтиб Мурод Назаров ўзининг ФБ саҳифасида тармоқ юзери Зафар Ҳошимовдан иқтибос ...
Блоглар
13 апрел 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов эътиборни ...
11 апрел 2021
«From Me to You» (Мендан сенга) — Леннон ва Маккартни дуэти ижро қилган зариф бир ...
8 апрел 2021
2010 йил 7 апрель куни ўз қарорлари билан озиқ-овқат ва коммунал хизматлар учун нарх-навони мислсиз ...