close
close
Асосий мавзулар
10 май 2021

Элга тарбиядан дарс берадиган фирибгарлар

close

Хоразмнинг Хива туманида бир камбағал бева аёлнинг ўғли номига олинган 30 миллион сўм кредит маҳалла раиси ва ўқитувчи дохил банк ходимлари томонидан нақдлаштириш йўли билан ўзлаштирилиб, яна аёлнинг оиласига ҳам тазйиқ ўтказилиб келинмоқда. 

“Элтуз” нашрига Хива туманининг “Пирнахос” маҳалласидан мактуб жўнатган Нигора Юсупова шу ҳақда иддао қилар экан, арзини ҳеч ким тингламаётгани, бу борадаги тергов ишлари атайин чўзиб келинаётганини айтди.

Нигора Юсупова, мактубда ёзилишича, етти фарзанд – олти қиз, бир ўғилнинг онаси. Кам таъминланган оила сифатида “Темир дафтар”да туради. Эри 2013 йилда вафот этган. Бир қизи ногирон. Ўзи мактабда фаррош бўлиб ишлайди. 

Нигора Юсупованинг Элтузга ёзган мактуби парчаси

Оиланинг асосий боқувчиси аёлнинг ўғли Абдулла Ибрагимов бўлиб, у гоҳ-гоҳида Тошкентга бориб, қурилиш ишларида ишлаб, рўзғорнинг кам-кўстини тўлдириб туради. 

Мактубда билдирилишича, “Пирнахос” маҳалласи раиси Ойбек Сафоев, тумандаги 18-мактабнинг тарбия (!!!) фани ўқитувчиси Бекзод Бобожонов “Микрокредитбанк”нинг туман бўлимидан 2020 йил августда қорамол учун 30 миллион сўм кредит олган.

Эътиборлиси, банк ходимлари билан тил бириктирилган ҳолда олинган бу кредит Нигора Юсупованинг ўғли Абдулла номига расмийлаштирилган. Бир фермер хўжалиги номига ўтказилган пул кейинчалик нақдлаштирилиб, ўзлаштирилган. 

“Энди нима қилишни билмайман. Гоҳ-гоҳида банкдан кредитнинг фоизини сўраб келишяпти. Тўлашга пулим йўқ. Ойлигимни рўзғоримга зўрға етказаман. Мени ҳеч ким тингламаяпти. Биз на қорамолни, на 30 миллион сўм пулни кўрганимиз йўқ. Илтимос, ёрдам беринглар”, дейилади мактубда.

Унда айтилишича, мазкур фирибгарлик ишини бир ой давомида туман прокуратураси тергов қилган. Кейин эса иш Хива тумани ИИБга ўтказилган. Аммо ИИБга ўтказилган тергов ҳам бир ойдан ошганки, тугамаяпти. Нигора Юсупова ва ўғлининг асосий вақти терговга қатнаш билан ўтмоқда. 

Аёл фирибгарликка бош қўшган маҳалла раисига учрашганда, у терговга қатнайвермай, аризасини қайтариб олиб, ўғлини ишга жўнатишни маслаҳат берган. Яқинда эса фирибгарлардан бири бўлмиш Бекзод Бобожонов бир гуруҳ шахслар билан аёлнинг уйига келиб, пўписа қилиб кетган. 

“Ҳозир пандемия даврида жуда қийналяпман. Кунда қон босимим ошади. Тергов эса кўриниб турган фирибгарларнинг қилмишини яшириш мақсадида атайин ишни чўзяпти. Мени адойи тамом қилишди”, дейди Нигора Юсупова.

Президент Шавкат Мирзиёевдан ёрдам сўрар экан, аёл: “Бу фирибгарларга қонун борми? Илтимос қиламан сизлардан, улардан мени ҳимоя қилиб, ҳақиқатни рўёбга чиқариб беринглар”, деб зорланади аёл. 

Eltuz.com

Тағин ўқинг
2 май 2016
«Народное слово» газетасининг «Жаҳон» ахборот агентлигига асосланиб ёзишича, БМТнинг Нью-Йоркдаги қароргоҳида БМТ Бош Ассамблеясининг 70-сессиясининг расмий ҳужжати сифатида Ўзбекистонда ...
21 апрел 2021
1918 йилнинг 21 апрелида Россия ва Сибир мусулмон туркларининг миллий маданий мухториятини эълон қилган Умумроссия мусулмонлари миллий мажлиси Сталин ...
7 сентябр 2020
Бизда бугундан совуқроқ кузак шамоли бошланди. Мен каби совуққа юпқа одамлар енги узун кўйлак кийиб олдик. Бир бошдан ҳосилларни ...
18 феврал 2021
Манқурт «дода»лар русга сотқинлик эвазига берилган юксак лавозим, люкс машина ва уйларни хаёл қилаётган замонларда биз мазлум халқимизнинг пахта ...
Блоглар
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...
12 май 2021
Ёшликдан китоб ўқишга ўч бўлганман. Кўчада юриб кетаётиб ҳам китоб ўқиган пайтларим бўлган. Кутубхона энг ...