close
close
Асосий мавзулар
2 август 2021

Алишер Илҳомов: Акаевни ўғирлаб кетишдими?

close

Қирғизистон Миллий хавфсизлик давлат қўмитаси хабарига кўра, «Қумтор» иши бўйича тергов қидирувида бўлган Қирғизистоннинг биринчи президенти Асқар Акаев 2 август куни Бишкекка олиб келинди.

Хабарда собиқ давлат раҳбари, бошқа юқори мартабали амалдорлар қаторида, 1992 йилда «Қумтор» лойиҳаси бўйича бош келишувни тузишда, 1994 йилда унга ўзгартиришлар киритишда, шунингдек, 2003 йилда «Камеко» билан тузилган бош шартномани қайта тузишда порахўрлик учун сўроққа тортилгани айтилади.

«Миллий хавфсизлик давлат қўмитаси Акаевни республика ҳудудига олиб келиш орқали жиноий жавобгарликка тортиш нуқтаи назаридан тарихий адолатни тиклашга қаратилган фаол иш олиб борди «, дейилади Миллий хавфсизлик давлат қўмитаси хабарида.

Би Би Си хабарига кўра, Асқар Акаев ҳозир Миллий хавфсизлик давлат қўмитаси биносида тергов қилинмоқда.

1991 йилдан иқтидорда бўлган Акаев Қирғизистонда юз берган “лола инқилоби” сабабли 2005 йилнинг 24 мартида Москвага қочишга мажбур бўлган эди.

Лондондаги Шарқ ва Африка тадқиқотлари институти таҳлилчиси Алишер Илҳомов ўзининг фейсбук саҳифасида Акаевнинг Россиядан Қирғизистонга келтирилишини бундай изоҳлади:

“Тушунишимча, Акаев РФда, Питерда яшаган. Қандай қилиб МХДҚ уни Бишкекка олиб келган бўлиши мумкин? Фақат иккита йўл бор:

1) Россиянинг ўзи Бишкек сўровига кўра депортация қилиши. Бироқ бу Акаев ва унга ўхшаганларга қарор устидан судга, шунингдек, Инсон ҳуқуқлари бўйича Европа судига шикоят қилиш имконини берадиган узоқ жараён. Шу тарзда кўпчилик депортациядан қутулиб қолишган.

2) Шунчаки ўғирлаш. Бу ҳолда Россия ҳукумати учун саволлар туғилади. Россия махсус хизматларининг МОдаги авторитар давлатларнинг ўзларига ёқмаган шахсларни ўғирлашлари ва авиалиния маршрутлари орқали олиб келишларига нафақат панжа ортидан қарашлари, балки уларга ҳамкорлик қилишлари билан боғлиқ бундай амалиётлар илгари ҳам бўлган.

Кўпроқ эҳтимолда, сўнггиси. Агар шундай бўлса, унда бутун МДҲ зонасини бандитларники дея малакалаш мумкин, у ерда ёқмаган одамларнинг ўғирланиши де факто қонунийлаштирилган”.

Eltuz.com

Тағин ўқинг
12 июл 2016
У 16 йил фермерлик қилди. Отасининг ҳам суяги далада қотган, қирқ йил давомида пахта етиштириш билан шуғулланган. Аввал отасига, ...
8 июл 2019
Навбатдаги карикатурада 2015 йилнинг октябридаги воқеа акс этган. Ўшанда «Элтуз» нашри Бухорода илгари фоҳишалик қилгани боис жаримага тортилган аëлларни ...
19 октябр 2017
18 октябр куни Тошкентда ўтган Европада ҳавфсизлик ва ҳамкорлик ташкилоти (ЕҲҲТ) анжуманида журналист Бобомурод Абдуллаев тақдирига оид барча саволлар ...
7 март 2018
МХХ ҳибсхонасида қолаётган журналист Бобомурод Абдуллаев терговда қийноқларга солингани ҳақида 7 март куни адвокати Сергей Майоров орқали Ўзбекистон Бош ...
Блоглар
2 август 2021
Иккита кокилига икки хил бантик таққан сепкилли қиз аслида 23 ëшда. Исми Назокат, аммо ўзига ...
28 июн 2021
Асфальти йўқ кўчалар, газлаштирилмаган уйларимиз ҳақида «Дўстлик байроғига» ёзганимда ўн уч ёшда эдим. Қишлоғимизни бадбўй ...
25 июн 2021
Техник сабабларга кўра, бугун жума ваъзи эфирга узатилмайди. Аммо азиз муштарийлар учун бир пайтлар Урганчдаги ...