“Телефондаям одам ишлайдими?”

Замоннинг тез ўзгаришини қаранг.

Бир неча йил олдин катта авлод ҳали компьютер ишлатишни билмасди, биз эса ўзимизча замонавий ёшлар сифатида компьютер ўрганиб, ноутбуклар кўтариб юрардик.

Бугун бир ёшроқ ҳамкасб телефонда ишлайман деганига ўзим тенги жўралар билан анча ўйланиб ўтирдик, қандай қилиб телефонда ишларкин, қандай қилиб шунча матнни ёзаркин, фалонча ишни қиларкин, ноқулай эмасми деб. У эса, аксинча, телефон жуда қулайлигини уқтиряпти. Авлодлар мана шундай алмашиб, технологиялар ўзгариб бораверади, баъзан авлодлар орасида кичик тушунмовчиликлар келиб чиқиши муқаррар – улар каттариб кетмаса бўлди.

Эҳ, ҳозирги ёшлар жуда-а айниб кетди-да, телефондаям ишлайдими, десам-а.

Эльдар Асанов,
Телеграмдаги «Асанов формати» блогери