close
close
Cатира
9 сентябр 2019

Мугабе ўлди, лекин унинг Ўзбекистондаги қарсакбозлари ҳали амалда

close

Зимбабвенинг 37 йиллик диктатори ўлгани фонида Ўзбекистон парламентининг қарийб шу ёшлардаги депутати Акмал Умирзоқов мавжуд номенклатурадан ташқаридаги шахсларнинг депутат бўлиш истакларини масхара қилиб, ҳатто уларнинг устидан ҳақоратомуз кулишгача борди.

Мазкур депутатнинг фейсбукдаги пости ҳукуматнинг бўлажак парламент сайлови арафасидаги кайфиятини ифодалаши ҳам ҳеч гап эмас.

Чунки парламентнинг мустақил бир ҳокимият тузилмаси сифатида шаклланиши шартлигини айтиб келаётган президент раҳбарлигидаги ҳукуматнинг бўлажак сайлов арафасидаги саъй-ҳаракатлари (тўғрироғи, сайловнинг очиқ-ошкора, демократик асосда ўтишини таъминлашга қаратилган ҳаракатсизлиги) айнан шундай хулосага келишга ундайди.

Зеро, ҳукумат жамиятнинг барча қатламларини қаноатлантирувчи сайлов ўтказишга ҳозирча рағбат кўрсатаётгани йўқ.

Нега мавзу бошида Зимбабве президентини эслатдик? Роберт Мугабе худди ўзининг боқий дунёдаги ҳаммакони Ислом Каримов каби узоқ йиллик ҳукмронлиги даврида парламентни ўйинчоқ бир тузилмага айлантириб олган эди.

Аммо у ҳокимиятдан кетганидан сўнг мазкур мамлакат парламентида эркинликка энган бир кайфият кузатилмоқда.

Ўзбекистондаги вазият билан параллел шуки, Зимбабведаги каби диктаторлик тузуми ҳукм сурган Ўзбекистонда ҳам президент алмашди, ёқимли ўзгаришларга умид пайдо бўлди.

Мамлакатда парламент эркинлиги кайфияти ғунча очмоқда. Аммо ғунчанинг тўкис очилишига йўл берадиган нишонадан дарак йўқ…

Юқорида номи тилга олинган депутатнинг гапларидан у блогерлар ва ижтимоий тармоқларда фаол бўлган шахсларнинг депутат бўлиш истакларидан ёзғиргани англашилади.

Шу аснода аввалги парламент сайловида депутатликка номзод бўлиб, сайловдан ўта олмаган (тушунишимизга, мавжуд номенклатурага мос келмаган) бугунги фаол блогер ва ҳуқуқшунос Хушнудбек Худойбердиев хаёлга келади.

У бугун ўзи каби блогерлар ва ижтимоий тармоқларда фаол бўлган шахслар қаторида халққа депутат Акмал Умирзоқовдан кўра кўпроқ манфаат келтирмоқда назаримизда.

Аммо ўша пайтда унга рақиб бўлганлар бугун у кабиларнинг яна парламент аъзолигига номзод бўлишига очиқдан очиқ қаршилик қилиши кўринаётир.

Акмал Умирзоқовнинг гаплари блогерларнинг “Сўнгги кунлар эса ғалати сигналлар келмоқда” каби хавфсирашларига асос борлигини кўрсатади

“Парламент циркка айланишига йўл қўймайди бу закий халқ”, деб ёзади депутат.

Бугунги парламентни циркка айлантирган депутатларни сайлаган бу “закий халқ” кейинги чақириқ парламентга ҳам ўргатилган жонзотлар етказиб бермаслигига кафолат борми?!

“Элтуз”нинг Ўзбекистондаги ҳамкори

Тағин ўқинг
12 сентябр 2016
Бош Вазир Шавкат Мирзиёев ўзининг муштумзўрлиги билан, шунингдек, Тошкентдаги аҳоли уй-жойларини, гаражларини бузиш, пойтахт аҳолисини оммавий тарзда шаҳар чеккасидаги ...
2 январ 2017
Ижтимоий тармоқда қорқиз кийимини кийган эркакни ҳақоратлаб сўкиб, калтаклангани акс этган видео пайдо бўлди. Шу бугун фейсбукга қўйилган, қўл ...
17 декабр 2019
“Хуллас, шу кундан бошлаб “кирпичка”нинг мастери Эркин қора мени промкадаги энг оғир ишга, яъни ичкарисида ҳаво даражаси 70-80° даражагача ...
27 феврал 2019
“Ўзбекконцерт” “Браво” ва Ҳалиманинг лицензияларини бекор қилибди. Ҳечқиси йўқ, “Ўзбекконцерт”нинг 3-4 та тадбирида бепул қатнашиб беришса, секингина ҳеч кимга ...
Блоглар
3 феврал 2020
Ўқитувчиларни мажбурий меҳнатга жалб қилишда узоқ йиллар жонбозлик кўрсатиб келган Андижон вилояти ҳокими Шуҳратбек Абдураҳмонов ...
27 январ 2020
Бугунги замондаги ўзбекнинг қўллари қарсаклардан қавармайдиган бўлиб кетди. Аслида илгари ҳам миллатимизнинг қўли қарсаклардан қавармаган.  ...
20 январ 2020
Ўзбекистонда Олий Мажлис Сенатига сайланганларнинг аксарияти, тўғрироқ айтганда, асосий ролдагилар яна ўша эски амалдорларнинг ўзларидир. ...