Президент кечикиб бўлса ҳам 2020 йилни номлади

Президент Мирзиёев 2020 йилни “Илм-маърифат ва рақамли иқтисодиётни ривожлантириш йили”, деб эълон қилди.

Президент Шавкат Мирзиёев Олий Мажлиснинг Сенати ва Қонунчилик палатасига навбатдаги Мурожаатномасида илм-маърифат ва технологиялар устуворлигига эътибор қаратди.

Каримов даврида, тўғрироғи, 1997 йили Ўзбекистонда президент томонидан бошланган йилларни номлаш анъанаси 2020 йилга келиб бир ойча кечикди.

2019 йил Ўзбекистонда «Фаол инвестициялар ва ижтимоий ривожланиш йили», деб эълон қилинди. Шавкат Мирзиёев ҳукумат тепасига келган 2016 йил “Соғлом она ва бола йили”, деб аталган эди. Ундан кейинги йилни президент Мирзиёев “Халқ билан мулоқот ва инсон манфаатлари йили”, деб эълон қилди, 2018 йил эса “Фаол тадбиркорлик, инновацион ғоялар ва технологияларни қўллаб-қувватлаш йили” номини олганди.

Eltuz.com