Семизлар тарозида тортилиб, “семиз дафтар”га ëзилмоқда

Ўзбекистоннинг барча вилоятларида МФЙ амалдорлари тарози кўтариб, одамлар вазнини ўлчаб юрибди. Ҳаддан ошиқ семизлар эса махсус дафтарга хатланмоқда.

Келажакда бу “семизлар” махсус тадбирларга жалб қилинади. Бу тадбирларда уларга семизликнинг зарари ҳақида насиҳат қилинади.

“Семизликни қўй кўтаради”, деган мақол мазмуни мана бундай. Қўй боқишдан мақсад уни семиртириш. Чунки охирида у сўйилади. Аммо одам ортиқча семириб кетса, оқибати ëмон бўлади.

Бундан олдин давлат амалдорлари, божгир ва ИИБ ходимларининг вазнини назорат қилиш бўйича Ўзбекистон президенти “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги фармонни имзолаган эди.

Ўзбекистоннинг аксар аҳолиси ортиқча вазн боис турли касалликларга йўлиққани ҳақида хавотирлар мавжуд.

Eltuz.com