close
close
Асосий мавзулар
3 декабр 2019

Швециядаги қурилишларда ишлаган ўзбеклар ҳақларини олишолмаяпти

close

Стокгольмнинг чекка ҳудудида жойлашган темир тўсиқ ортидаги кўримсиз уйда Швецияга келиб қурилишларда ишлаётган 11 нафар меҳнат мигранти яшайди. Уларнинг 6 нафари ўзбек. Улар нолегал ҳолатда поляк қурилиш ширкатига қарашли объектларда ишлашган ва пулларини олиша олмаган.

“Элтуз” шахсларини очиқламаслик шарти билан айни қурилишларда ишлаган ўзбек меҳнат мигрантларидан интервью олди.

Меҳнат мигранти: “Швецияга тахминан 2 ой бўлди келганимга. Иш берувчи менга “Ҳужжатларимни қилиб бераман, ҳаммаси яхши бўлади”, деб ваъдалар бериб, битта менмас, яна беш-олтита бола бор, уларга ҳам шунақа деб ёлғон ваъдалар бериб, бир ойдан ортиқ ишлатиб, ҳозирда пулимизни ололмаяпмиз”.

Швецияда яшаётган ўзбекистонлик фаол Дўстназар Худойназаров нолегал ўзбек қурувчиларига ваъда қилинган маошларнинг ҳам аслида одатдагидан анча камлигига эътибор қаратади.

Дўстназар Худойназаров: “Мана шу объектда бир соатлик иш ҳақи қонуний 270 крондан ёпилади, солиқлар олиб ташланганда 210, 190 крондан бир кишига тўланиши керак. Сизларга ҳатто тўртдан бир қисминиям таклиф қилишмаяпти”.

“Элтуз” мухбири ўзбек муҳожирлари тахминан бир ярим ой ишлаган Стокгольмнинг турли ҳудудларидаги учта қурилиш объектида, битта 2 қаватли, битта бир қаватли турар жой бино ва ресторанга мўлжалланган қурилиш майдонларини бориб кўрди.

Барча қурилиш объектлари расман Польшада қайд этилган ва Швецияда фаолият юритаётган “Аrdes” қурилиш ширкатига қарашлидир.

“Элтуз” мухбири жорий йилнинг ноябрь охирларида аслида “Аrdes” ширкатининг Швециядаги иш берувчиси Рафаэл Дариус билан ҳам боғланишга бир неча бор уринди.

Унинг одамларидан бири ўзбекларнинг иш ҳақи муаммоси ҳал қилинаётгани, лекин ҳозирча Рафаэл “Элтуз”га интервью бера олмаслигини билдирди.

Бироқ 3 декабрь кунига келиб ҳам “Ардес” рахбарияти билан боғланишнинг имкони бўлмади ва ҳалигача ўзбек муҳожирларининг пули берилмагани маълум бўлди.

Eltuz.com

Тағин ўқинг
3 октябр 2018
Йирик миқдорда товламачилик ва коррупцияда айбланиб, жазо ўтаётгган 46 яшар Гулнора Каримова 2 октябрь куни хусусий учоқда Дубай шаҳрига ...
20 декабр 2016
Ўтган ҳафта бирданига тўртта вилоят ҳокими ишдан бўшатилди. Ундан илгари ҳам бир қанча эски амалдорлар янгиларига алмаштирилган эди. Таҳлилчиларга ...
7 декабр 2016
Ўтган ҳафта «Самарканд и самаркандцы» гуруҳи саҳифасига қўйилган фото ва видеотасвирларда жар ёқасидаги бехисоб скелетлар ётган эшак қабристонини кўриш ...
24 январ 2019
Марказий банк Наврўз арафасида юз минг сўмлик банкнотларни муомалага киритиши ҳақида билдириб, бундан қулайликлар яратиш, пулларни ташиш харажатларини камайтириш, ...
Блоглар
3 феврал 2020
Ўқитувчиларни мажбурий меҳнатга жалб қилишда узоқ йиллар жонбозлик кўрсатиб келган Андижон вилояти ҳокими Шуҳратбек Абдураҳмонов ...
27 январ 2020
Бугунги замондаги ўзбекнинг қўллари қарсаклардан қавармайдиган бўлиб кетди. Аслида илгари ҳам миллатимизнинг қўли қарсаклардан қавармаган.  ...
20 январ 2020
Ўзбекистонда Олий Мажлис Сенатига сайланганларнинг аксарияти, тўғрироқ айтганда, асосий ролдагилар яна ўша эски амалдорларнинг ўзларидир. ...