Ўктам Барноев жасади Германиядан келтирилиб, Тошкентда дафн этилди

Германияга даволанишга олиб кетилиб, ўша ерда ўлган бош вазир ўринбосари Ўктам Барноевнинг жасади 21 сентябрь куни Тошкентга олиб келиниб, Минор қабристонига дафн этилди.

Коронавирусга чалинган ва инсультга учраган Ўктам Барноев жарроҳлик амалиёти ўтказиш учун Германияга юборилган эди. Барноевни яқиндан билган шахслардан бирининг “Элтуз”га билдиришича, унинг жасади Германиядан 21 сентябрь куни, маҳаллий вақт билан соат 13.00 да олиб келинган.

Ўктам Барноев 9 май тадбирига йиғилган омма қаршисида «Катюша» қўшиғини куйлаб, ижтимоий медиада танилган эди.

2018 йилнинг 2 ноябрида Бухорога келган Россиянинг миллатчи доҳийси Владимир Жириновский ўз шарафига уюштирган дабдабали зиёфатда ўша пайтда Бухоро ҳокими бўлган Ўктам Барноевни Бухоро амири дея таърифлаган эди.

Eltuz.com