من حوالي 10 سنين لما ظهرت المجتمعات الافتراضية وبدأت تجذب شرايح مختلفة من الناس ، كان في أمل اسمه ان “الاختراع” اللي اسمه “انترنت” ، يقدر يخلي الناس تتواصل مع بعض بشكل احسن واوسع ، وان مجتمع منغلق زي مجتمعنا ممكن تتفتح فيه مساحات واسعة للنقاش والاتفاق وتغيير الواقع .
طبعا التغيير ده اتطور تدريجي لحد ما وصل لثورة كاملة في يناير 2011 ، لكنه بعد كده بدأت تظهر في العالم لافتراضي الحاجات اللي كنا بنهرب منا في العالم الحقيقي ، بدل ما كانت المجتمات دي تمنح فرصة للمختلفين انه يكون ليهم وجود والناس تتقبل أفكارهم واختلافهم ، الناس اللي بترفض الاختلاف بدأوا يجمعوا بعض ويظهروا أقوى وأكثر تأثير ، وبيواجهوا بشراسة أي تفكير مختلف لمجرد انه مختلف .
يوم بعد يوم مساحات الناس اللي بتحب تفكر وعندها استعداد تتناقش وتجادل وتختلف وتتفق ، بتضيق عن اليوم اللي قبله ، والاغلبية اللي عايزة الناس كلها تكون شكل واحد وفكر واحد بيصادروا كل شبر .
عشان كده كان دورنا نخلق مساحة جديدة للناس اللي بتحب تفكر وتغير وتجدد وتطور وتراجع أفكارها ومواقفها .

نصيحة .. لو معندكش استعداد تفتح دماغك وتطلع كل الافكار اللي فيها وتطرحها للنقاش وتفكر تاي وتالت ورابع .. مكانك مش هنا

تسجيل الايميل

شارك وفكر معانا وابعت تدوينتك