Dünyaca məşhur ulduz Ledi Qaqa uzun müddətdir gizli saxladığı ciddi sağlamlıq problemi barədə ilk dəfə danışıb.
Gununsesi.info –nun məlumatına görə, ulduz bu barədə “Rolling Stone”a müsahibəsində deyib.
O bildirib ki, 2018-ci ildə çəkilən “A Star Is Born” (“Bir ulduz doğulur”) filminin çəkilişləri zamanı əhval pozğunluğu səbəbindən litium qəbul edib və filmdən sonra psixotik epizod yaşayıb:
“Bir gün tamamilə çökdüm… Sağ qaldığım üçün özümü şanslı hiss edirəm”.
Müğənni böhran zamanı qastrolunu ləğv edərək, psixiatrik yardım üçün xəstəxanaya müraciət etdiyini də əlavə edib.
Ledi Qaqa həm baş rolunu oynadığı, həm də “Shallow” kimi “Oskar” mükafatlı mahnıları ifa etdiyi filmin çəkilişlərinin karyerasının ən gərgin dövrlərindən birinə təsadüf etdiyini qeyd edib. O, həmin günləri belə xatırlayıb:
“Bir gün bacım mənə “Artıq bacımı tanıya bilmirəm” dedi. O anda turnemi ləğv etdim və xəstəxanaya getdim. Tamamilə çökmüşdüm. Bu, çox qorxunc idi”.
Sənətçi yaşadığı böhranın ağırlığını isə bu sözlərlə ifadə edib:
“Elə bir vaxt var idi ki, heç vaxt sağalmayacağımı düşünürdüm. Sağ olduğum üçün özümü, həqiqətən, şanslı sayıram”.
