Жалал-Абад облусунун Токтогул шаарында бөйрөк жетишсиздигинен жабыркагандар үчүн гемодиализ борборунун имаратын куруу милдеттенмесин аткарбаган ЖЧКнын директору кармалды. Бул тууралуу 17-майда УКМКдан билдиришти.
Маалыматка караганда, 2021-жылдын октябрында Токтогул районундагы Жалпы медициналык практика борборунун аймагына суммасы 15 млн 941 миң 684 сомго гемодиализ борборун курууга тендер жарыяланган.
![](https://i1.wp.com/ky.kloop.asia/wp-content/uploads/sites/6/2023/05/WhatsApp-Image-2023-05-17-at-11.35.19.jpeg)
![](https://i1.wp.com/ky.kloop.asia/wp-content/uploads/sites/6/2023/05/WhatsApp-Image-2023-05-17-at-11.35.19-1.jpeg)
Анда тендердин 12 млн 907 миң 508 сом сунуштаган «А.С.С.» ЖЧКсы жеңүүчү деп табылган. Аталган мекеменин директорунун эсебине 7 миллион 781 миң сом которулган. Бирок ал 2022-жылы курулуш иштеринин 10%ын гана бүтүрүп, дайынсыз жоголгон.
Учурда шектүү убактылуу кармоочу жайга киргизилди. Кылмыш иши боюнча териштирүү уланып жатат.