ကရင်နီ (ကယား) ပြည်နယ်၊ ဒီးမော့ဆိုမြို့နယ်အနောက်ခြမ်းတွင် ဆေးသင်တန်းတက်နေသည့် တော်လှန်ရေးရဲဘော် ၁၈ ဦး သေဆုံးခဲ့ရသည်မှာ ယနေ့(အောက်တိုဘာ ၁၁)တွင် တစ်လတိတိ ပြည့်ခဲ့ပြီ ဖြစ်သည်။ ‘ဟက်ပီးမစ်ရှင်’ ဟု အမည်ပေးထားသော ညဘက်လေ့ကျင့်ရေးအစီအစဉ်တစ်ခုတွင် ဝန်ထုပ်ဝန်ပိုးဖြင့် ချောင်းကူး လေ့ကျင့်ခန်းဝင်ကြရသည့် သင်တန်းသားများမှာ တောင်ကျရေကြောင့် ရေနစ်သေဆုံးခဲ့ရသည်၊ သင်တန်းအုပ်ချုပ်သူတို့က လိုအပ်သည့် လေ့လာပြင်ဆင်မှု မရှိခဲ့ဟု ကရင်နီအမျိုးသားများကာကွယ်ရေးတပ် KNDF က အစီရင်ခံထားသည်။ အောက်တိုဘာ ၁၁ ညဦးပိုင်းက ထိုလေ့ကျင့်ခန်းအတွင်း အသက်ဘေးမှ လွတ်မြောက်ခဲ့သည့် ဆေးသင်တန်းသားတစ်ဦးကို အခင်းဖြစ်ချိန် အတွေ့အကြုံနှင့်ပတ်သက်ပြီး Myanmar Now က ဆက်သွယ်မေးမြန်းထားသည်။ မေးမြန်း – စောရယ်
