Böyük Britaniyanın Azərbaycandakı səfiri Fergus Auld bir müddət əvvəl həbs olunan Müsavat Partiyasının üzvü Tofiq Yaqublunun qızı Nigar Yaqublu ilə görüşüb. 

Toplum TV xəbər verir ki, bu barədə səfir yanvarın 17-də özünün X hesabında məlumat yayıb:

“İctimai fəal Nigar Yaqublu ilə görüşdə onun atası, müxalif siyasətçi Tofiq Yaqublunun həbsini və ailəsinin narahatlığını müzakirə etdik. 

Saytların yığılması

Rəsmiləri müstəqil istintaqın aparılmasına və istintaq proseslərinə tez bir zamanda yekun vurmağa çağırıram”.

Tofiq Yaqublu ötən il dekabrın 14-də həbs edilib. 

Ona qarşı Cinayət Məcəlləsinin  dələduzluq, rəsmi sənədləri saxtalaşdırma və istifadə etmə maddələri ilə cinayət işi başlanıb.

Siyasətçi ittihamları qəbul etmir və həbsinin siyasi sifariş olduğunu bəyan edir.