Panama hakimiyyəti keçmiş diktator, 1989-cü ildə ABŞ hərbçiləri tərəfindən hakimiyyətdən devrilən Manuel Noryeqanın öldüyünü açıqlayıb.
Panamanın 83 yaşlı keçmiş lideri hakimiyyətdə olduğu müddətdə törətdiyi cinayətlərə görə ölkəsində həbsxanada saxlanılırdı.
Noryeqa siyasi opponentlərinin qətli, korrupsuya və hakimiyyətdən sui-istifadədə təqsirli bilinib.
Frans press agentliyinin məlumatına görə, bu yaxınlardao cərrahiyyə əməliyyatı keçirib və beynindəki şiş götürülüb.
1983-cü ildə hakimiyyətə gələn Noryeqa ABŞ-ın müttəfiqi hesab olunurdu, ancaq 80-ci illərin sonunda ölkəsin kolumbiya kokaini üçün keçid məntəqəsinə çevirdi.
1989-cu ilin sonunda Just Cause əməliyyatı nəticəsində Noryeqa amerikalı hərbçiləri tərəfindən həbs edilib və ABŞ-a aparılıb. 3 il sonra Floriada narkotik ticarətində iştiraka görə 30 il həbs cəzası alıb.
2008-ci ildə Noryeqa vaxtından əvvəl həbsdən azad edilib, ancaq həbsxanada Fransaya ekstradisiya edilməsini gözləyib. 1999-cu ildə Fransa məhkəməsi narkotik ticarətinə və çirkli pulların yuyulmasına görə qiyabi olaraq onu 10 il həbs cəzasına məhkum edib.
2011-ci ildə Noryeqa Panamaya ekstradisiya edilib.
Panama məhkəməsi 1995-ci ildə Noryeqanı qiyabi olaraq 20 il həbs cəzaına məhkum edib.
Fizzə
24saat.org
Mənbə – azadliq.info
Bir cavab yazın