AXCP sədri Əli Kərimli
Seçkiyə 3 gün qalmış 100-lərlə hökumətyönümlü KİV (qəzet, sayt, tv, sosial şəbəkə səhifəsi) “İlham Əliyev pensiyaları artırdı” başlığı ilə xəbər verdi. Seçkidən 3 gün qabaq pensiyaçı seçicilərə minnət qoymaq, onların səsini satın almaq cəhdi çox aydın göründü. Bəs əslində nə baş verib?
Hökumət sadəcə mövcud qanunlarla etməli olduğu bir işi görüb. Pensiyaların artırılması “Əmək pensiayaları haqqında Azərbaycan Pespublikasının qanunu” əsasında aparılıb. Bu qanuna görə, əmək pensiyalarının sığorta hissəsi ildə bir dəfə orta aylıq nominal əmək haqqının illik artım tempinə uyğun olaraq indeksləşdirilir. Dövlət Satatistika Komitəsinin məlumatına görə, 2019-cu ildə orta aylıq nominal əmək haqqı ölkə üzrə 16,6% artıb. Deməli, əmək pensiayalarının sığorta hissəsi 16,6% artırılmalıdır. Misal üçün: ötən il 200 manat pensiya alan pensiyaçı bu il 233,2 manat alacaq.
İlham Əliyevin verdiyi sərəncamın 2-ci hissəsinə görə, pensiaya kapitalı da (yığım) artırılacaq və bu da “Əmək pensiayaları haqqında Azərbaycan Pespublikasının qanunu” əsasında həyata keçiriləcək. Bu qanuna görə, pensiya kapitalı ildə bir dəfə ölkə üzrə elan olunmuş inflyasiya göstəricisinə uyğun olaraq indeksləşdirilir. DSK tərəfindən 2019-cu ildə 2,6% inflyasiya elan olunduğuna görə bu artım səviyyəsi 2,6% olacaq. Qanunun müvafiq maddələrini şərh bölümünə əlavə edirəm.
Əziz həmvətənlər, İlham Əliyev pensiyaları artırmayıb. Hökumət sizin pensiyaları qanunun tələbinə uyğun olaraq (bütün dünyada belədir) inflyasiya və orta aylıq nominal əmək haqqına uyğun indeksləşdirib. Yəni bu məsələnin prezidentin kim olmasına dəxli yoxdur. Prtezident kim olur-olsun, bu sərəncam verilməli idi. Qanunun tələbidir bu. Xalqa minnət qoymaq və ucuz təbliğat aparmaq rejimin köhnə xasiyyətidir. Özünüzü minnətli bilməyin. Tam əksinə, bu hökumət son illərdə pensiya yaşını qaldırmaqla pensiya alanların sayını 2017-ci ildən bəri 72 min nəfər azaldıb və bu yolla pensiya üçün ayırmalı olduğu vəsaitdən 500 milyon manat “qənaət” edib. Hökumətin qarşısında minnətli olmaq yox, vaxtında və ləyaqətli pensiya üçün mübarizə aparmaq lazımdır.