Ўзбекистон – “2019 йил мамлакати”

Британиянинг нуфузли The Economist  журнали Ўзбекистонни “2019 йил мамлакати” деб эълон қилди. Нашр сўнгги йилларда мамлакатда муҳим ислоҳотлар амалга оширилганини таъкидлайди.

«Уч йил олдин Ўзбекистон собиқ Совет Иттифоқи каби диктатура, ўта шафқатсизлик билан бошқариладиган ёпиқ жамият эди. Унинг режими маҳкум диссидентларни қайноқ сувга ташлаб ўлдирди, эркаклар, аёллар ва болаларни терим пайтида пахта далаларида ишлашга мажбур қилди.

27 йил мустабид бўлган Ислом Каримов 2016 йили ўлгач, ўрнига бош вазир Шавкат Мирзиёев келди. 2018 йили хавфсизлик хизмати бошлиғини ишдан бўшатганидан сўнг жаноб Мирзиёев ўтган йил давомида жадал ислоҳотларни бошлади. Унинг ҳукумати асосан мажбурий меҳнатга барҳам берди. Мамлакатнинг машҳур турмаси ёпилди.

Чет эл журналистларини таъқиб қилишга барҳам берилди. Бюрократларга илгари одатий бўлган кичик бизнес субектларидан пора олиш тақиқланди. Кўпроқ чегара ўтиш жойлари очилди, бу Марказий Осиёнинг чегараларга бўлинган бўлгаларини бирлаштиришга ёрдам берди.

Ўзбекистон ҳали узоқ йўл босиши керак, аммо 2019 йилда ҳеч бир мамлакат шу қадар илгариламади”, дея хулоса қилади The Economist таҳририяти.

Eltuz.com