close
close
  • Суратда: собиқ Бош прокурор Отабек Муродов
Асосий мавзулар
26 феврал 2020

Собиқ бош прокурор, ДХХнинг собиқ раиси ва ўринбосарига суд ҳукми эълон қилинди

close

Ўзбекистон Олий суди матбуот хизматининг хабар беришича, 2020 йил 25 февраль куни Ўзбекистон Республикаси Ҳарбий судида Жиноят кодексининг 210-моддаси ва бошқа моддаларида назарда тутилган жиноятларни содир этганликда айбдор деб топилган собиқ бош прокурор Отабек Муродов ҳамда ДХХ собиқ раиси Ихтиёр Абдуллаев ва унинг ўринбосари Жаҳонгир Игамовга нисбатан жиноят ишини кўриб чиқиш бўйича суд жараёни ниҳоясига етган ва суд ҳукми эълон қилинган.

Ўтказилган ёпиқ суд мажлисида судланувчиларнинг, етмишдан ортиқ жабрланувчи ва гувоҳнинг кўрсатмалари тингланиб, муҳокама қилинган. Шунингдек, дастлабки тергов органи томонидан тўпланган далилларга баҳо берилиб, судланувчиларнинг важлари текширилган.

Суд жиноят иши материалларини ҳар томонлама ва тўлиқ ўрганиб, судланувчи Отабек Муродовни бир қатор жиноятларни содир этганликда айбли деб топган.

Матбуот хизматининг хабарида айтилишича, судланувчи О.Муродовга нисбатан жазо чорасини белгилашда суд Ўзбекистон Конституцияси ва жиноят қонунчилигида белгиланган инсонпарварлик ва адолат тамойилларига асосланган.

Хусусан, судланувчининг содир этган жиноятлари учун чин кўнгилдан пушаймон эканлиги ва жиноий қилмишларни фош қилишда фаол ёрдам берганлиги ҳамда жиноят оқибатида етказилган зарар тўла қопланганлигига эътибор қаратилган.

Натижада содир этилган жиноятнинг хусусияти ва ижтимоий хавфлилик даражаси, судланувчининг шахси, оилавий аҳволи, яшаш жойидан ижобий тавсифлангани каби жазони енгиллаштирувчи ҳолатлар эътиборга олиниб, Отабек Муродовга 5 йил муддатга озодликни чеклаш жазоси тайинланган.

Эслатиб ўтамиз, Олий Мажлис Сенатининг 2019 йил 21 июнь куни бўлиб ўтган 20-ялпи мажлисида Ўзбекистон президенти Шавкат Мирзиёев собиқ бош прокурор Отабек Муродовни катта миқдорда пора олганликда айблаб, устидан жиноят иши очилганини таъкидлаган эди. Бу ҳақида “Элтуз” нашри ўз вақтида хабар берган эди. 

Шунингдек, Олий суд матбуот хизматининг хабарида суднинг ҳукмига кўра, Отабек Муродовга 5 йил, Ихтиёр Абдуллаевга 19 йил, Жаҳонгир Игамовга 19 йил озодликдан маҳрум қилиш жазоси тайинланиб, ҳар бири муайян муддатга мансабдорлик ва моддий жавобгарлик билан боғлиқ лавозимларда ишлаш ҳуқуқидан маҳрум қилинганлиги баён этилган.

Eltuz.com

Тағин ўқинг
9 июн 2018
Ўзбекистонда мажбурий меҳнат холатлари ҳақида хабар етказишларини сўраб “Элтуз” нашри 8 июнь куни ўз ўқувчиларига мурожаат қилди. Футуристик услубда ...
20 сентябр 2017
19 сентябр куни Фарғона вилоятидаги Олий ўқув юрти талабаларига пахта терими муносабати билан ўқиш тўхтатилгани билдирилиб, тушликда уйларига кетишга ...
29 апрел 2018
2006 йил 29 апрель куни эрталаб 27 яшар ҳуқуқ фаоли Аъзам Фармонов таксида вилоят касалхонаси томон кетаëтганида учта милиция ...
25 июн 2019
Қашқадарёнинг Чироқчи туманидан Швецияга келиб ишлаётган 35 яшар Ўзбекистон ватандоши Акмалжон Чўлиев 21 июнь куни Стокгольмда вафот этди. “Элтуз” ...
Блоглар
17 феврал 2020
Ўзбекистонда тобора оммавийлик касб этаётган, “президент ташаббуси” билан ташкил этилаётган кластерлар пахтани қўшиб ёзишнинг олдинги ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...