Ғаллаоролда «Жентра»ни олиб қочган шахс ушланди

Элтузга келиб тушган тезкор хабарга кўра, автомашина ўғрилиги билан боғлиқ ҳолат бўйича гумонланувчи шахс қўлга олинди.

Маълум қилинишича, Жиззах вилоятининг Ғаллаорол тумани ҳудудида “Жентра” русумли автомашинани бугун олиб қочганликда гумон қилинган шахс бугуннинг ўзида Жиззах шаҳрида профилактика инспектори томонидан аниқланиб, ушланган.

Маълум қилинишича, 2026 йил 23 январь куни соат 19:50 ларда Фарғона вилояти Данғара туманида яшовчи ИИБ тезкор вакили Шукуржон Абдуллаев “112” хизматига мурожаат қилган. 

Шукуржон Абдуллаевнинг айтишича, шу куни соат 19:45 ларда бошқарувида бўлган қора рангли “Жентра” автомашинаси Ғаллаорол тумани ҳудудидан ўтувчи М-39 автомобиль йўлида, Самарқанд–Тошкент йўналиши бўйлаб ҳаракатланган ва очиқ дала ҳудудида ҳожатини чиқариш учун машинасини тўхтатган. 

Шу пайтда автомашинада бўлган ёш йигит фурсатдан фойдаланиб, транспорт воситасини олиб қочган.

Олиб борилган тезкор-қидирув тадбирлари натижасида жиноятни содир этган шахс аниқланиб, ушланди. У 2007 йилда туғилган, Фарғона вилояти Данғара туманида яшовчи Турсунов Озодбек экани маълум бўлди.

Озодбек озодлигидан маҳрум бўлди. Энди 20 ёшини қамағда кутиб олади.