Наманганда экстремал ўйингоҳ йўқ қилинади

Наманган вилояти Поп тумани Гулистон маҳалласида жойлашган экстремал ўйингоҳни ҳокимлик буздирмоқчи.  Ўйингоҳни 2019 йилда тадбиркорлар ўз ҳисобидан қуришган. Барча хавфсизлик чоралари кўрилган,  2023 йилда Гулистон маҳалласи айнан шу ўйингоҳ сабаб экстремал туризмга қизиқувчи сайёҳлар орасида машҳур бўлиб кетди. 

2026 йил январ ойида Поп туман ҳокимлиги ўйингоҳ ноқонуний қурилган деган важ билан аттракционларни буздириб ташламоқда.

«Баъзи аттракционларни ҳокимлик ўзи бузяпти.  Бошқаларини эса эгалари демонтаж қилсин деб мажбурламоқда. Зиплайн,  осма кўприклар,  зиналар қанчадан-қанча туристларни жалб қилар эди.  Ҳужжати йўқ деб бузиб юборишяпти. Амалдор дегани шунчалик ҳам ичи қора бўладими?  Ҳужжатлаштиришга ёрдам бериб, тадбиркорларни қўллаб-қувватлаш мумкин эдику?»

Ўзбек амалдорлари Сингапур иқтисодий мўжизаси ҳақида тўлиб-тошиб гапиришади. Ўша Сингапурда тадбиркор ўз ишини интернетда расмийлаштира олади. Барча ҳужжатлар бир кун ичида онлайн битади.  Ўзбекистонда эса йиллар давомида ишлаб турган объектларни пойлаб юриб йўқ қилиб юбориш трендга айланган.

Поп тумани ҳокимлиги ўйингоҳ хавфсизликни назоратга олиб,  доимий текшириб, хавфсизлик ва модернизация учун тадбиркорларга имтиёзли кредитлар бериши мумкин эди. Бироқ ҳокимлик маъмурий вайронкорлик йўлини танлади.

Кўринишдан бу аттракционлар маҳсус техник чизмалар асосида,  профессионал мутаҳассис инженерлар томонидан лойиҳаланмаган. Шу сабабдан 6 ишлаган ўйингоҳ айнан хавфсизлик масаласида жиддий қўрқувлар уйғотган бўлиши мумкин. У ҳолда ҳокимлик нега буздиришни 6 йил кутгани қизиқ.