close
close
Document UZ
14 ноябр 2023

Режалари чилпарчин бўлган Сардор

close

Президент фармони билан Президент администрациясининг собиқ раҳбари Сардор Умурзоқов Стратегик ислоҳотлар кенгашидан чиқарилди.

Сардор Умрзоқов президент Шавкат Мирзиёев рахбар бўлган кенгашда раис ўринбосари эди. Кенгашнинг янги таркибидан агентликнинг 9 ноябрь куни ишдан бўшатилган раҳбари Шуҳрат Вафаев ҳам чиқариб ташланган. У 2022 йил сентябрида қайтадан ташкил этилган кенгашда масъул котиб лавозимини эгаллаб келаётган эди.

Шу тариқа Сардор Умурзоқов 2022 йил июлида администрация раҳбарлигига тайинланганидан кўп ўтмай ўзи ташкил қилган Стратегик ислоҳотлар агентлиги таркиби бутунлай янгиланмоқда. Умурзоқов кетказилганидан кўп ўтмай, унинг қатор функциялари, жумладан, давлатнинг стратегик активлари Молия вазирлиги тасарруфига қайтарилган эди.

2021 йил июлида Стратегик ривожланиш агентлиги сифатида ташкил этилган ва 2022 йил сентябрида Стратегик ислоҳотлар агентлигига ўзгартирилган идора қандай стратегик вазифаларни ҳал этиш билан шуғуллангани жамоатчиликка маълум эмас. “Умурзоқовнинг боласи” деб таърифланган агентлик ҳозирга қадар бирон марта жамоатчиликка ҳисобот бермаган.

Собиқ администрация раҳбарининг тақдири  ҳақида ҳам ҳеч нарса маълум эмас. Шу йилнинг 17 августида Умурзоқов администрацияси раҳбарлигидан кетказилганидан буён жамоатчиликка кўриниш бергани йўқ. У Президентнинг махсус топшириқлар бўйича маслаҳатчи лавозимига тайинланган, аммо ўтган қарийб уч ой ичида биронта махсус топшириқни бажаргани ҳақида расмий маълумот йўқ.

Умурзоқовга яқин деб кўрилган қатор амалдорлар, жумладан, унинг собиқ ўринбосари Суннатилла Бекенов ҳам администрациядан кетказилган ва ҳозиргача бирон лавозимга тайинлангани маълум эмас.

Умурзоқов тузган Президент администрацияси раҳбарининг вилоятлардаги вакиллари ҳам унинг ўзи билан бир кунда йўқотилган.

Олдинроқ бир қатор ҳукуматпараст блогерлар ижтимоий тармоқларда “Сардор Умурзоқов қайтсин” деган флэшмоб ўтказишган эди. Бир вақтнинг ўзида жўровозликда ёзилган уйқаш постларга Умурзоқов билан тушилган эски суратлар ҳам илова қилинди.

Аммо афтидан, тармоқларнинг стаканда кўтарилган бўрони Сардор Умурзоқовга ёрдам бермаган.

Элтуз манбаларининг айтишича, стакан дарз кетган ва чил-чил синмоқда.

Президент администрацияси ва қуйи тузилмаларни Умурзоқовнинг мероси ва кадрларидан тозалаш ишлари давом этмоқда.

Манбалар Умурзоқов амалда экан, параллел ҳукумат тузганини иддао қилган, аммо Элтуз бу иддаони тасдиқловчи ҳужжатларга эга бўлмагани боис мавзуга чуқур кирмаган эди.

Каналимизга обуна бўлинг. Видеоларимизга изоҳ ва лайк қолдиринг.

Тағин ўқинг
5 март 2019
Шу кунларда баъзи бир ишлар билан банд бўлганим сабабидан каналга ёзишга вақтим бўлмаяпти. Аммо Навоий тили ҳақидаги постлардан сўнг ...
11 март 2020
Коронавирус: «Кунлар исиди. Ўлимим яқин. Алвидо, Тошкент!» Рассом Кирпи
28 декабр 2020
Ўзбекистонда маҳкумлар меҳнати шарафига қўйилган ёдгорликни бузишди. Таассуфки, у фақат бир неча кунгина турди, “оқ пальтоли” зиёлилар ва “маънавиятли” ...
9 октябр 2017
Куни билан ёмғир тинимсиз ёққан бўлса-да, Марғилон ва Қўқон шаҳридаги темирйўл станцияси одамлар билан гавжум бўлди. Ҳашарчилар “Ўзбекистон темир ...
Блоглар
15 ноябр 2023
Тармоқ, яъни социал медиа ўзбек сегментида кузатишларимга кўра хотин-қизлар орасида ашаддий диний фанатизмга мойиллик кучли. ...
8 ноябр 2023
Ҳамзанинг “Бой ила хизматчи” драмасида бой отага нечанчидир хотин бўлган аëлнинг эмизикли боласини кундоши қайноқ ...
6 ноябр 2023
Гитлерга ошиқ бўлиш йигирманчи асрда қолиб кетган руҳий аномалия деб ўйлардим. Немис хотинлари Гитлер гапирганда ...