Қутлибека Раҳимбоева: “Тилини унутган ҳеч кимнинг боласи бўлолмай ўтар”

“Элтуз” нашри “Ёзарнинг саси” рукнида таниқли ўзбек шоираси, Ўзбекистонда хизмат кўрсатган маданият ходими, 67 яшар Қутлибека Раҳимбоеванинг миллат ва истиқлол ҳақидаги фикрларини тақдим қилади.

Қутлибека Раҳимбоева 1952 йил 9 февралида Туркманистон Республикасига қарашли Тошҳовуз шаҳрида туғилган. 1974 йили Фарғона педагогика институтининг филология факультетини тамомлаган. 80-йилларга келиб Тошкентда, Ғафур Ғулом нашриётида ишлай бошлаган.

“Бу ерда ўша даврнинг энг илғор ëзувчи ва шоирлари ишлар эди. Мен ўша ерда биринчи марта миллатнинг миллат бўлиб шаклланиши учун, дунë майдонида тик оëққа туриши учун ўзи мустақил яшаши кераклиги ҳақидаги фикр амалга ошиши мумкинлиги ҳақида ўйлай бошладим. Олдин бу нарса мумкин эмас, деб ўйлар эдим”, дейди Қутлибека.

Шоиранинг бу сўзлари 2008 йилнинг февралида “Озодлик” радиоси орқали янграган эди.

Eltuz.com