“Бўз” туман “Бўстон”га айланади…

Андижон шаҳрида 16 май куни вилоят фаоллари ва президент Мирзиёев иштирокидаги йиғилишда Бўз тумани ҳокими Иномжон Мадалиев туман номини Бўстон деб ўзгартиришга рухсат сўради.

Бу ҳақда хабар берган Кун.уз сайтига кўра, туман ҳокими Мамадалиев бир вақтлар (компартия саркотиби бўлган) Шароф Рашидов «Бу бўз ерлар бир куни бўстонга айланади» дегани, айни пайтда Бўзда амалга оширилаётган ижобий ўзгаришлар натижасида туманнинг номи ўзига ярашмай қолгани ҳақида гапирган.

Водийнинг чўл ҳудудида, Ёзёвон, Катта Фарғона ва Улуғнор мавзеларида жойлашган туман номи азалдан Бўз дея номланиб келинган.

Ўзбекистонда тарихий туркий номларнинг янги раҳбарлар таъбига мослаб ўзгартилаётгани илк бор кузатилмаяпти.

2017 йилнинг 25 август куни президент Мирзиёев ташаббуси билан Сенатнинг ўн биринчи ялпи йиғилишида Тошкент вилоятидаги Тўйтепа шаҳри номини Нурафшон деб ўзгартиришга қарор қилинганди.

Рассом Туз
Eltuz.com