Мирзиëев Раматовни чўктирадими?

Сардобадаги фалокат сабабларини ўрганиш бўйича тузилган ҳукумат комиссиясининг 7 май куни эълон қилинган таркибига Сардоба сув омбори лойиҳасининг бош қурувчиси, “Ўзгидроэнерго” АЖ раиси, сенатор Абдуғани Сангинов ҳам киритилган. Аммо рўйхатда сув омбори қурилишига масъул бўлган яна бир мулозим – бош вазирнинг биринчи ўринбосари Очилбой Раматов номи йўқ.

Бу ҳолат ижтимоий тармоқда Раматовнинг фалокат учун “гуноҳ эчкиси” сифатида жазоланишидан дараклиги билан изоҳланмоқда.

“Ишқилиб, бир амаллаб Очилбой Раматовни ишдан олишмоқчи, шекилли? Оға, бу кетишда “ўз аризангиз билан” ишдан кетасиз-ов”, дея ёзди фейсбук юзери қорақалпоқлик Қадамбой.

Раматов Мирзиёевнинг энг ишонган мулозимларидан бири саналади. “Элтуз” учун ҳажвий суратлар чизувчи рассом Тузга бу воқелик рус адиби Тургеневнинг “Му-му” ҳикоясини эслатди.

Воқеа қаҳрамони, табиатан меҳнаткаш Герасим вазият тақозоси билан ўз суюкли кучугини сувга чўктиришга мажбур бўлган эди.

Eltuz.com