Хоразм миршаблари соҳибжамолларни қамади

И – бу иккиюзламачилик. Х – бу Хоразм. ММ – бу мансабдорлар/ментлар. П – бу педофилия. УР – Учинчи Ренессанс.

Воқеа Хоразмда, зардуштийлик байрами кенг нишонланаётган вақтда содир бўлди. Шунчаки замон ва макон шу куни бир-бирига тўғри келди. Ўзларининг ёпиқ базмлари учун жодугарлар кийимида оташпарастлар пишириғини пиширишгани учун қизларни суд қилишди ва жазолашди.

Юпун кийинган ёш болаларни ўз олдиларида рақс тушишга мажбурлаган амалдорларга (ҳоким, маҳалла оқсоқоллари) эса тегишмади. Максимум, боғчадаги холаларга ҳайфсан беришади.

Менинг назаримда, бу пўстин ва қулоқчин кийган эркаклар болаларга нисбатан шафқатсиз муносабатлари учун жазоланиши керак эди. Ўз мансаб ваколатларини суиистеъмол қилишгани учун ҳам. Бироқ бундай бўлмади. Мактабгача таълим вазирлиги бош бошқармаси бошлиғи Шаҳноза Мирзиёева бир нарса демайдими бу юзадан?

Фарида Шариф,
фэйсбук саҳифасидан олинди
Рассом Элсевар