close
close
Асосий мавзулар
10 май 2023

Мирзиёев Германиядаги музейга миннатдорлик билдирди

close

Илгари Элтуз хабар қилганидек, Германияга ташриф доирасида Ўзбекистон Республикаси Президенти Шавкат Мирзиёев ва Германия Федерал Президенти Франк-Вальтер Штайнмайер Берлин шаҳридаги жаҳонга машҳур Жеймс Симон галереясида “Ўзбекистоннинг археологик хазиналари. Македониялик Искандардан Кушонлар салтанатигача” номли ноёб кўргазма очилишида иштирок этишди.

Президент Мирзиёев очилиш маросимида икки мамлакатда халқларимизнинг бой маданий мероси ва бугунги ютуқларига қизиқиш ортиб бораётганини қайд этди:

Ҳудудидан Европага элтувчи қадимги карвон йўллари ўтган Ўзбекистоннинг тарихи билан Германия жамоатчилиги яхши таниш.

Германиянинг энг йирик нашрлари Берлиндаги кўргазма, Ўзбекистондан келтирилган архелогик хазина ҳақида ёзишмоқда. 

«Тарихга қизиқувчилар, санъат ва археология ихлосмандлари учун бу чинакам хазина. Бироқ тарихий эмас, замонавий Ўзбекистон ҳақида ҳам шундай жўшиб ёзишларини истаган бўлар эдим» дейди Германиядаги «Юзук Арт» ташкилоти ижрочи директори Дилбар Ғаффорова.

Кўргазманинг очилиши Ўзбекистон ва Германия ўртасидаги маданий алоқаларда диққатга сазовор воқеа бўлди. Унинг ўтказилиши ҳақида Германия Федерал Президенти Франк-Вальтер Штайнмайернинг 2019 йил майдаги Ўзбекистонга ташрифи чоғида келишилган эди.

Қарийб тўрт йил давомида икки мамлакат археологлари, тарихчилари, санъатшунослари ва музей ходимлари тадбирни ташкиллаштириш устида ишлашди. Германиялик мутахассислар иштирокида 50 га яқин энг қимматли осори-атиқалар реставрация қилинди.

2024 йилнинг 14 январь кунига қадар давом этадиган кўргазмада Берлин давлат музейлари тўпламларидан 65 та ва Ўзбекистон музейлари тўпламларидан 285 та экспонат намойишга қўйилган. Уларнинг кўпи мамлакатимиз ташқарисида илк бор кўрсатилмоқда.

Кўргазмага, бугунги Ўзбекистон ва Марказий Осиё ҳудудида жойлашган илк давлатларнинг милоддан аввалги VI асрдан милодий IV асргача даврни қамраб олган тарихини акс эттирувчи асори атиқалар қўйилган.

Экспонатлар орасида Кушон империясининг Далварзинтепа ва Ҳолчаён қўрғонларидан топилган аслзодалар, аскар ва бадавлат аёллар ҳайкаллари бор.

Ушбу бетакрор экспозиция ташриф буюрувчиларга Ўзбекистон тарихи билан танишиш, унинг қадимий мероси тўғрисида тасаввур ҳосил қилиш имконини беради.

Элтуз Ўзбекистон маданияти ва тарихига оид янгиликларни ёритишда давом этади. Каналларимизга обуна бўлишни унунтманг.

Тағин ўқинг
13 январ 2021
2019 йил октябрда давлат хизматчиларининг даромади ва мулкини декларация қилиш тўғрисидаги қонун лойиҳаси ишлаб чиқилгани ва 2020 йил бошидан ...
23 июл 2018
«Арсенал» клуби ярим ҳимоячиси, 29 ёшли Месут Ўзилнинг турк эканлиги Германиянинг жаҳон чемпионатидаги омадсизлиги боис, унинг юзига солинди. «Агар ...
3 феврал 2017
Тошкентлик тафтишчи-сенаторларни кутиб олиш – туманлардаги маҳаллий амалдорлар учун ортиқча даҳмаза. Кўча супуриш, кўчат ўтқазиш, зиёфат тайёрлашдан ташқари, катталар ...
12 декабр 2019
Абдували Қутбиддин умрининг сўнгги йилларида сал “бузилмоқчи”, маддоҳлик қилиб кўрмоқчи ҳам бўлди. Аммо анча-мунча кечикканини англади чоғи, “қийшанглашга” астойдил ...
Блоглар
12 май 2023
Кеча Элтуз бош редактори Қудрат Бобожон билан гаплашсам¸ «культур-мултур мавзуларга авом қизиқмайди. просмотри оз бўлади,” ...
11 май 2023
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
10 май 2023
Қизиғи шундаки қизил армия вориси бўлган Россияда уруш қатнашчиларга охирги ëдгорлик 1967 йили ўрнатилган. Яқин ...