İranda hakimiyyət orqanları 2025-ci ilin sonundan başlayan hökumətə qarşı kütləvi etirazlardan sonra repressiv tədbirləri sərtləşdirib.
Bu barədə Gununsesi.info Financial Times-a istinadən xəbər verir.
Etirazlara dəstək ittihamı ilə əmlakların müsadirə edildiyi, bizneslərin bağlandığı və media qurumlarına qarşı sanksiyaların tətbiq olunduğu bildirilir.
“Financial Times” yazır ki, Tehran Baş Prokurorluğu yanvarın 20-də “etirazlara təhrik” ittihamı ilə 20-dən çox idmançı, aktyor və kino sahəsi nümayəndəsi barədə cinayət işi açıldığını bildirib. Qurumun iddiasına görə, həmin şəxslərə aid əmlak etirazlar zamanı dəyən “zərərin kompensasiyası” üçün istifadə olunacaq.
Məlumata əsasən, təxminən 60 kafe “birbaşa və ya dolayısı ilə” “terror aktlarını” dəstəkləməkdə ittiham olunub. “Financial Times” İranın “Tasnim” agentliyinə istinadla bildirir ki, ölkədə populyar olan qəhvəxanalar şəbəkəsi və ticarət mərkəzi ilə tanınan sahibkar Məhəmməd Səədiniya saxlanılıb və onun əmlakı müsadirə edilib.
