Tanınmış aktyor Tom Kruz kino sənətinə verdiyi töhfələrə görə fəxri “Oskar” mükafatına layiq görülüb.
Gununsesi.info “The Hollywood Reporter”ə istinadən xəbər verir ki, o, səhnəyə “Mission: Impossible” filminin musiqisinin sədaları altında çıxıb.
“Kinonun qorunması və dəstəklənməsi üçün əlimdən gələni edəcəyəm. Ümid edirəm, əlavə sınıqlar olmadan…”, – aktyor təşəkkür nitqində bildirib.
Onunla yanaşı fəxri mükafatları tərtibatçı-rəssam Uinn Tomas, həmçinin aktyor, prodüser və xoreoqraf Debbi Allen də alıblar.
Qeyd edək ki, Tom Kruz 45 illik kino karyerası ərzində ilk dəfə olaraq “Oskar” mükafatına layiq görülüb. Daha əvvəl o, 3 dəfə mükafata namizəd olsa da, onu qazana bilməyib.
