အမေရိကန်တစ်ဒေါ်လာ ကျပ် ၂၇၀၀ ကျော် ၊ ရွှေတစ်ကျပ်သား ကျပ်၂၅ သိန်းကျော်နဲ့ စက်သုံးဆီ တစ်လီတာ ကျပ် ၂၀၀၀ ကျော်ထိဖြစ်လာ
စစ်ကောင်စီဗဟိုဘဏ်က အမေရိကန်တစ်ဒေါ်လာကို သတ်မှတ်ဈေး ၂၁၀၀ ကျပ်ထက် ၆ ကျပ်သာ ခွာရောင်းရမယ်လို့ ကြေညာပြီး နောက်တစ်ရက်မှာ ဒေါ်လာဈေး ၊စက်သုံးဆီဈေးနဲ့ ရွှေဈေးတွေ တပြိုင်တည်းတက်လာပါတယ်။
ဒေါ်လာဈေးဟာမနေ့က ပြင်ပဈေးကွက်ပေါက်ဈေးမှာ တစ်ဒေါ်လာကို ၂၆၀၀ ကျပ် ရှိရာကနေ ဒီနေ့မနက်ပိုင်းဈေးဖွင့်ချိန် ၂,၇၂၀ ကျပ် ဝန်းကျင်အထိဖြစ်လာတယ်လို့ ဈေးကွက်ထဲကနေစုံစမ်းသိရပါတယ်။ ဈေးကွက်ဟာ ကြိုက်ရောင်း ကြိုက်ဝယ်ဖြစ်နေပါတယ်။
![ဒေါ်လာဈေး၊ ရွှေဈေးနဲ့ စက်သုံးဆီဈေး တပြိုင်တည်းတက်လာ](https://i0.wp.com/www.ludunwayoo.com/wp-content/uploads/2022/08/298994869_441951464660978_2544002848080470233_n.jpg?resize=500%2C375&ssl=1)
ရွှေဈေးဟာလည်း စံချိန်တင်အနေနဲ့အခေါက်ရွှေတစ်ကျပ်သားကို ကျပ် ၂,၅၀၅,၀၀၀ ထိ ဒီနေ့နေ့လယ်ပိုင်းမှာဖြစ်သွားပါတယ်။
အလားတူပါပဲ စက်သုံးဆီဈေးဟာ ပြီးခဲ့တဲ့ ရက်သတ္တပတ်အတွင်း ကျပ် ၂၀၀၀ အောက်ကို ရောက်ခဲ့ပေမယ့် ဒီရက်ပိုင်းမှာ ကျပ် ၂၀၀၀အထက်ကိုပြန်တက်လာပါတယ်။
![ဒေါ်လာဈေး၊ ရွှေဈေးနဲ့ စက်သုံးဆီဈေး တပြိုင်တည်းတက်လာ](https://i0.wp.com/www.ludunwayoo.com/wp-content/uploads/2022/08/298987634_441951494660975_6257043445816921979_n.jpg?resize=593%2C395&ssl=1)
ဒီနေ့ ရန်ကုန်ဈေးကွက် မှာဆိုရင် ပရီမီယံ ဒီဇယ်တစ်လီတာကို ၂၅၁၅ ကျပ်အထိ ဖြစ်လာပြီးမနေ့က ဈေးထက် ကျပ် ၃၀၀ ဝန်းကျင်ခုန်တက်သွားတယ်လို့ စုံစမ်းသိရပါတယ်။
ထိုင်းဘတ်ငွေနဲ့ ကျပ်ငွေလဲလှယ်နှုန်းဟာဆိုရင်လည်း မနေ့ကအထိ တစ်ဘတ်ကို ၇၁ ကျပ်ဝန်းကျင် ရှိနေရာကနေ ဒီနေ့မှာ ၇၅ ကျပ်ကျော်အထိဖြစ်သွားခဲ့ပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)