စစ်ကိုင်းတိုင်း တန့်ဆည်မြို့နယ်အတွင်း နှစ်ရက်တာစစ်ကြောင်းလှန်တိုက်ပွဲ အတွင်း စစ်ကောင်စီတပ်သား ၁၀ ဦး ထက်မနည်းသေဆုံးကြောင်း Myanmar Defense Force က ယနေ့(သြဂုတ် ၁၃ ရက်) ထုတ်ပြန် သည်။
သြဂုတ် ၈ ရက်ကစ၍ စစ်ကောင်စီတပ်က ရဟတ်ယာဥ်သုံးစီးဖြင့် တပ်သား ၁၀၀ခန့်ကို ရွာငယ်ရွာတွင် စစ်အင်အားချပေးပြီးနောက် တောဂျင် ကျေးရွာ၊ရွာမုံတောင်ကျေးရွာမှတစ်ဆင့် ဝိုင်းကြိုး ကျေးရွာသို့ ခြေလျင်စစ်ကြောင်းထိုးခဲ့ သည်ဟု ဆိုသည်။
![MDF](https://i0.wp.com/www.ludunwayoo.com/wp-content/uploads/2022/08/298801817_443245317864926_3567399600040326167_n.jpg?resize=723%2C1024&ssl=1)
ထို့နောက် ရွာမုံတောင်ကျေးရွာမှ နေအိမ် ၈လုံးကို စစ်ကောင်စီတပ်က မီးရှို့ခဲ့ပြီး သြဂုတ် ၉ ရက်နေ့တွင် ကျေးရွာအတွင်း ထွက်လာစဥ် တန့်ဆည် PDF တပ်ရင်း(၆) က စီးကြိုတိုက်ခိုက်ခဲ့ရာ စစ်ကောင်စီတပ်သား အများအပြား သေဆုံးခဲ့ကြောင်း အသိပေးသည်။
အလားတူ သြဂုတ် ၁၀ ရက် နံနက်ပိုင်းတွင် ဝိုင်းကျေးရွာအနီး စစ်ကြောင်းထိုး လာသော စစ်ကောင်စီတပ်ကို MDF ၏ တပ်ရင်း (၂၆)နှင့်တန့်ဆည် PDF တပ်ရင်း(၆) တို့မှ ပူးပေါင်းတိုက်ခိုက်ခဲ့သည်ဟု ဖော်ပြသည်။
![(Myanmar Defense Force မှ ရဲဘော်များအား ရှေ့တန်းတစ်နေရာ၌ တွေ့ရစဥ်)](https://i0.wp.com/www.ludunwayoo.com/wp-content/uploads/2022/08/299175378_443245217864936_6770129023684621890_n.png?resize=880%2C502&ssl=1)
မိနစ် ၄၀ ကြာ အဆိုပါ တိုက်ပွဲတွင် စစ်ကောင်စီတပ်မှ ၁၀ ဦးနှင့်အထက် သေဆုံး၍ အများအပြား ဒဏ်ရာရရှိသည်ဟု Myanmar Defense Forceက အတည်ပြုသည်။
နှစ်ရက်တာ တိုက်ပွဲ၌ MDF နှင့် တန့်ဆည် PDF တပ်ရင်း ၆ တို့မှ ရဲဘော်များ ဘေးကင်းစွာ ဆုတ်ခွာနိုင်ခဲ့ကြောင်းလည်း သိရသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)