ချင်းအမျိုးသားကာကွယ်ရေးတပ်ဖွဲ့(CNDF)၏ အထူးကွန်မန်ဒိုသင်တန်း အပတ်စဉ်(၃) သင်တန်းဆင်းပွဲကို ယနေ့(ဩဂုတ် ၁၃ရက်)နံနက်က ကျင်းပခဲ့သည်ဟု ချင်းအမျိုးသားအဖွဲ့ချုပ် (CNO)က ထုတ်ပြန်သည်။
အဆိုပါ သင်တန်းကို ဇွန်လ ၂၀ရက်မှ စတင်ခဲ့ပြီး အမျိုးသမီး(၉)ဦး၊ အမျိုးသား(၃၆)ဦး သင်တန်းသားစုစုပေါင်း (၄၅)ဦး တက်ရောက်ခဲ့သည်ဟုဆိုသည်။
![ဓာတ်ပုံ - CNO](https://i0.wp.com/www.ludunwayoo.com/wp-content/uploads/2022/08/298436473_443499717839486_6155610849649830147_n.jpg?resize=880%2C495&ssl=1)
![ဓာတ်ပုံ - CNO](https://i0.wp.com/www.ludunwayoo.com/wp-content/uploads/2022/08/299158536_443499591172832_8653219089978521225_n.jpg?resize=880%2C495&ssl=1)
![ဓာတ်ပုံ - CNO](https://i0.wp.com/www.ludunwayoo.com/wp-content/uploads/2022/08/298712187_443499544506170_5898580936424225141_n.jpg?resize=880%2C660&ssl=1)
![ဓာတ်ပုံ - CNO](https://i0.wp.com/www.ludunwayoo.com/wp-content/uploads/2022/08/298992260_443499674506157_8637815703620637662_n.jpg?resize=880%2C660&ssl=1)
၂လကြာမြင့်သည့် သင်တန်းကာလအတွင်း ချင်းအမျိုးသားအဖွဲ့ချုပ်/ ချင်းအမျိုးသားကာကွယ်ရေးတပ်ဖွဲ့ (CNO/CNDF) ၏လမ်းစဉ်၊ ဂျီနီဗာကွန်ဗင်းရှင်း၊ မြို့တွင်းတိုက်စစ် ချေမှုန်းရေးလက်တွေ့၊ စစ်ရေးပြ၊ စစ်ရေးဗျူဟာ၊ လက်တွေ့လက်နက်ငယ်ပစ်ခတ်ခြင်း၊ ပြောက်ကြား စစ်နည်းဗျူဟာများ၊ နိုင်ငံရေးအခြေခံအသိပညာပေးဟောပြော၊ အမျိုးသားနိုင်ငံရေးဦးတည်ချက်၊ ဖက်ဒရယ်ပြည်ထောင်စုစနစ်၊ ဒီမိုကရေစီစနစ်၊ ကရာတေး၊ ရှေးဦးသူနာပြုစုနည်းနှင့် ရာထူးအလိုက် တာဝန်ဝတ္တရားများကို သင်ကြားပို့ချခဲ့ကြောင်း ထုတ်ပြန်သည်။
![ဓာတ်ပုံ - CNO](https://i0.wp.com/www.ludunwayoo.com/wp-content/uploads/2022/08/298199565_443499607839497_5906644644086612518_n.jpg?resize=880%2C504&ssl=1)
ယနေ့ သင်တန်းဆင်းပွဲသို့ ချင်းအမျိုးသားအဖွဲ့ချုပ် အထွေထွေအတွင်းရေးမှူး Salai William Chin မှ အဖွင့်အမှာစကားပြောကြားပြီး၊ ချင်းအမျိုးသားကာကွယ်ရေးတပ်ဖွဲ့ စစ်ဦးစီးချုပ် Salai Peter Thang မှ သင်တန်းဆင်းအမှာစကား ပြောကြားခဲ့သည်ဟုဆိုသည်။
![ဓာတ်ပုံ - CNO](https://i0.wp.com/www.ludunwayoo.com/wp-content/uploads/2022/08/299186435_443504641172327_7568386633719713930_n.jpg?resize=880%2C586&ssl=1)
သင်တန်းသားများကလည်း ကရာတေးသရုပ်ပြခြင်း၊ လက်နက်ဖြင့်တိုက်ခိုက်မှု သရုပ်ပြခြင်း တို့ ပြုလုပ်ခဲ့ပြီး ထူးချွန်ဆုများချီးမြှင့်ခြင်း၊ သစ္စာဆိုခြင်းများ ပြုလုပ်ခဲ့သည်ဟု ဆိုသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)