ကရင်နီ(ကယား)ပြည်နယ်၊ ဆိုလျားကူးကျေးရွာ အနီးတိုက်ပွဲတွင် ကျဆုံးခဲ့သော အသက်(၁၉) နှစ်အရွယ် ရဲဘော် မောင်စီနီးလို၏ အသုဘ အခမ်းအနားကို ယနေ့(သြဂုတ် ၁၄ ရက်) ပြုလုပ်ခဲ့ကြောင်း လွိုင်ကော် PDFက ထုတ်ပြန်သည်။
ယခုလ ၉ ရက်နေ့ နံနက် ၁၀ နာရီ မိနစ် ၄၀ ခန့်ကဆိုလျားကူး ကျေးရွာတစ်ဝိုက် ဖြစ်ပွားခဲ့သော တိုက်ပွဲတွင် ရဲဘော် မောင်စီနီးလိုသည် အကြမ်း ဖက်စစ်ကောင်စီနှင့် ထိပ်တိုက်ရင်ဆိုင်ပြီး လွတ် လပ်ရေးအတွက် အသက်ပေးလှူသွားခဲ့ခြင်းဖြစ် သည်။
ထို့ကြောင့် ယနေ့ နံနက် ၈ နာရီအချိန်တွင် မောင်စီနီးလို၏ အသုဘ အခန်းအနားကို ပြည်သူ့ကာကွယ်ရေးတပ် – လွိုင်ကော်မှ ဦးစီးကျင်းပခဲ့သည်။
ရဲဘော် မောင်စီနီးလိုသည် အကြမ်းဖက် စစ်ကောင်စီအား ရွတ်ရွတ်ချွံချွံ တိုက်ပွဲဝင် တော်လှန်ခဲ့ပြီး မိမိကျေးရွာ မိမိဒေသ မိမိပြည်နယ် မိမိတိုင်းပြည်အတွက် ဂုဏ်ရောင်ထွန်းပြောင်စေခဲ့သည့် သူရဲကောင်းတစ်ဦး ဖြစ်ကြောင်း လွိုင်ကော် PDF က အသိပေးသည်။
အရေးတော်ပုံအောင်မြင်သည်အထိ ကျားကုတ် ကျားခဲ ဆက်လက် တိုက်ပွဲဝင်သွားဦးမည်ဖြစ် ကြောင်းလည်း ရဲဘော်စီနီးလိုအပါအဝင် နိုင်ငံနှင့်အဝန်းရှိ သူရဲကောင်းများအားလုံးကို တိုင် တည်ကာ လွိုင်ကော် PDF ကတိပြုသည်။
ဆိုလျားကူးကျေးရွာ နှင့် အနီးတစ်ဝိုက်သို့ အကြမ်းဖက်စစ်တပ်များမှ စစ်ကြောင်း ၃ ကြောင်း၊ အင်အား ၂၀၀ခန့် ဖြင့် စစ်ကြောင်းထိုးလာခဲ့ရာမှ စတင်ကာ မဟာမိတ်တပ်များနှင့် ထိတွေ့မှု ဖြစ်ပွားခဲ့သည်။
ယခုလ ၉ ရက်မှ စ၍ ယနေ့ ၁၂ ရက်ထိ လွိုင် ကော် PDF အပြင် KA၊ KNDF၊ အလယ်ပိုင်းတိုင်း အထူးစစ်ဆင်ရေး၊ တပ်ရင်း (၁၁၀၁)၊ ဒီမောဆို PDF၊ တပ်ရင်း (၁၁၀၇)၊ မိုးဗြဲ PDF၊ KRU နှင့် KGZ စသည့်မဟာမိတ်များမှ အတူတကွ ပူးပေါင်း တိုက်ပွဲဝင်ခဲ့သည်။
တိုက်ပွဲကာလအတွင်း အကြမ်းဖက်စစ်ကောင်စီတပ်မှ နှစ်ဦးသေဆုံးသည်ကို မျက်မြင်အတည်ပြုနိုင်ပြီး အခြား ကျရှုံးထိခိုက်မှု များရှိသော်လည်း အရေအတွက်ကို ဆက်ပြီးအတည်မပြုနိုင်သေး ပေ။
