စစ်အာဏာသိမ်းမှုနောက်ဆက်တွဲအနေနဲ့ နိုင်ငံအတွင်း စက်သုံးဆီပြတ်လပ်မှုတွေဖြစ်ပေါ်နေချိန်မှာ ရုရှားဆီကနေ စက်သုံးဆီဝယ်ယူတင်သွင်းဖို့ ကော်မတီတစ်ရပ်ကို သြဂုတ်လ ၁ ရက် ရက်စွဲနဲ့ စစ်ကောင်စီကဖွဲ့စည်းလိုက်ပါတယ်။
အဲဒီအဖွဲ့ရဲ့ ဥက္ကဋ္ဌ နေရာကို စစ်တပ်ပိုင် ဦးပိုင်လိမိတက်ရဲ့ ဥက္ကဋ္ဌ ဒုတိယဗိုလ်ချုပ်ကြီး ညိုစော ကို စစ်ကောင်စီခေါင်းဆောင်က တာဝန်ပေးထားပါတယ်။
ရုရှာဆီကနေ စက်သုံးဆီဝယ်ယူတင်သွင်းရေးကော်မတီမှာ စစ်ကောင်စီလက်အောက်ခံ စွမ်းအင်ဝန်ကြီးဌာန ၊စီးကူးဝန်ကြီးဌာနက သူတွေပါဝင်သလို စစ်တပ်စီးပွားရေး ဦးပိုင်လက်အောက်ခံ Star High ကုမ္ပဏီ ၊KBZ ဘဏ်ဥက္ကဋ္ဌ ဦးအောင်ကိုဝင်းပိုင်ဆိုင်တဲ့ Brighter Energy ၊ Best Oil နဲ့ Yangon Energy ကုမ္ပဏီတို့ ကိုပါ ထည့်သွင်းဖွဲ့စည်းထားတာတွေ့ရပါတယ်။
စစ်ကောင်စီဘက်က နိုင်ငံထဲကို စက်သုံးဆီသင်္ဘောတွေ ဝင်ရောက်ဖို့ရှိနေပြီး စက်သုံးဆီပြတ်လပ်မှုမရှိဘူး လို့ ငြင်းဆိုနေပေမယ့် မန္တလေးအပါအဝင် နယ်မြို့တွေမှာ စက်သုံးဆီပြတ်လပ်မှုတွေဖြစ်ပေါ်နေပါတယ်။
