ပဲခူးတိုင်း နတ္တလင်းမြို့နယ် လယ်မအင်းအုပ်စုတွင် တပ်စွဲထားသော အကြမ်းဖက်စစ်ကောင်စီတပ်ကို သာယာဝတီခရိုင် PDF တပ်ဖွဲ့ဝင်များက လက်နက်ကြီး၊ လက် နက်ငယ်များဖြင့် ပစ်ခတ်တိုက်ခိုက်ခဲ့ကြောင်း ယနေ့(သြဂုတ် ၂၀) ထုတ်ပြန်သည်။
ယမန်နေ့ (သြဂုတ် ၁၉ ရက်) ည ၈ နာရီ ၅၂ မိနစ်ခန့်တွင် လယ်မအင်းအုပ်စု၊ အောင်သုခရွာ အောက်ကျောင်းဘုန်း ကြီးကျောင်းအောက်ဘက် လှေဆိပ်တွင်တပ်စွဲထားသည့် စစ်ကောင်စီတပ်စခန်းငယ်တစ်ခုကို သာယာဝတီခရိုင် PDF တပ်ရင်း (၃၈၀၁)၊ တပ်ခွဲ (၄)MRF တပ်ဖွဲ့ဝင်များက သွားရောက်တိုက်ခိုက်ခဲ့ခြင်းဖြစ်ကြောင်း ဖော်ပြ သည်။
“စကစ အင်အား ၁၀ ယောက်ခန့်ရှိတယ်ဗျ။ သူတို့က ဘန်ကာအခိုင်အမာနဲ့ စခန်းချနေတာခင်ဗျ။ ထိခိုက်မှုတော့ ရှိတယ်လို့ ကြားတယ်ခင်ဗျ”ဟု MRF တပ်ဖွဲ့ဝင် တော်လှန်ရေးရဲဘော်တစ်ဦးက လူထုနွေဦးသို့ ပြောသည်။
စစ်အုပ်စုဘက်မှ ထိခိုက်သေဆုံးမှုအခြေအနေအား စုံစမ်းနေဆဲဖြစ်ပြီး အခြေအနေအတိအကျအား မသိရှိရသေးကြောင်း သာယာဝတီခရိုင် PDF က အသိပေးသည်။
သာယာဝတီခရိုင် PDF တပ်ရင်း (၃၈၀၁)၊ တပ်ခွဲ (၄)MRF တပ်ဖွဲ့အနေဖြင့် စစ်ကောင်စီနှင့် ၎င်း၏ ထောက်တိုင်များကို ဆက်လက်တိုက်ခိုက်သွားမည်ဖြစ်ပြီး ပြည်သူများ၎င်းတို့နှင့် ဝေးဝေးနေကြရန် သတိပေးထားသည်။