ပြန်လည်ထူထောင်ရေးအတွက် ကူညီရန်ဖိတ်ခေါ်
အာဏာသိမ်းစစ်ကောင်စီတပ်က မီးရှို့ဖျက်ဆီးခဲ့၍ ရေစကြိုမြို့နယ် ငတရော်ရွာမှ အိမ်ခြေ ၅၀၀ ကျော်နှင့် လှေခုတ်ရွာမှ အိမ်ခြေ ၁၀၀ ကျော်မီးလောင်ပျက်စီးခဲ့ရာ အဆိုပါ ကျေးရွာဒေသခံများ လတ်တလော နေထိုင်စားသောက်ရေးအတွက် ကျပ် ၂၆သိန်း လှူဒါန်းခဲ့ကြောင်း ရေစကြိုမြို့နယ် ပြည်သူ့ကာကွယ်ရေးတပ်ဖွဲ့က ထုတ်ပြန်သည်။
စစ်ကောင်စီတပ်သည် ပြီးခဲ့သည့် ရက်အတွင်းက လှေခုတ်ရွာနှင့် ငတရော်ရွာများကို ဝင်ရောက်တပ်စွဲနေထိုင်ပြီး မီးရှို့ခဲ့ရာ ငတရော်ရွာမှာ ရွာလုံးကျွတ်နီးပါး မီးလောင်ကျွမ်းခဲ့ရသည်။
အဆိုပါ ကျေးရွာ နှစ်ရွာမှ မီးဘေးသင့် စစ်ရှောင် ပြည်သူများ ယာယီ စစ်ရှောင်ရာနေရာများ၌ နေထိုင်စားသောက်မှု အဆင်ပြေစေရန် ရေစကြို ပြည်သူ့ကာကွယ်ရေးအဖွဲ့(ပကဖ)က အလှူငွေ လှူဒါန်းခဲ့ခြင်းဖြစ်သည်ဟု ဆိုသည်။
ပြန်လည်ထူထောင်ရေးလုပ်ငန်းများ ဆောင်ရွက် ကူညီနိုင်ရန် ပကဖ Page မှတစ်ဆင့် ဆက်သွယ် လှူဒါန်းကြရန် ပြည်သူ့ကာကွယ်ရေးတပ်ဖွဲ့ ရေစကြိုမြို့နယ်က ထုတ်ပြန်သည်။
