လူသားချင်းစာနာထောက်ထားမှုအပြည့်ရှိသော အလှူရှင်တို့၏ကူညီထောက်ပံ့ပေးမှုများဖြင့် စစ် ဘေးရှောင်များစွာရှိနေသည့် ကရင်ပြည်နယ်၏ စစ်ရှောင်စခန်းတစ်ခုတွင် အစာအဟာအရ၊ကျန်း မာရေးဝန်ဆောင်မှုများအပြင် ပျော်ရွှင်မှုများပေးစွမ်းနိုင်ခဲ့ကြောင်း MOBYE PDF Rescue Team-MPRT က ယနေ့(သြဂုတ် ၂၁ ရက်) ထုတ်ပြန်သည်။
MPRTနှင့်အတူ အခြားသောလူမှုထောက်ပံ့ရေးအဖွဲ့၊ရဲဘော်အဖွဲ့အစည်းတို့က ဦးဆောင်ပြီး ကရင်နီပြည်တွင်း စစ်ဘေးရှောင်များစွာရှိရာဒေသကို ကျန်းမာရေး စောင့်ရှောက်မှု၊ စားစရာမုန့် အချိုရည်အချို့တို့နှင့် ကလေးသူငယ်များအားဟာသများ၊သီချင်းများ၊အကသရုပ်ဆောင် စသည့်အမျိုးမျိုးသော ပျော်ရွှင်မှုတို့ကို ပေးစွမ်းခဲ့သည်ဟု ဆိုသည်။
“စစ်ဒဏ်သင့် ပြည်သူများ၏ အခက်အခဲ၊ လိုအပ်ချက်များကိုလည်း တတ်နိုင်သည့်ဖက်မှ ကူညီစောင့်ရှောက်ရန် ကြိုးစားဆောင်ရွက်နေပါတယ်”ဟု MPRT က ပြောသည်။
စစ်ဒဏ်သင့် ပြည်သူများကိုကူညီထောက်ပံ့ခြင်းနှင့် ရဲဘော်များ၏ကျန်းမာရေး စောင့်ရှောက်မှုများဆောင်ရွက်ရာတွင် လိုအပ်ချက်များစွာနှင့် စိန်ခေါ်မှုများစွာရှိနေသောကြောင့် MPRT အနေဖြင့်အကူအညီအထောက်အပံ့များ လိုအပ်လျက်ရှိကြောင်းလည်း အသိပေးသည်။
စစ်မြေပြင်ကယ်ဆယ်ရေးလုပ်ငန်းများကို အကောင်းဆုံး ဆောင်ရွက်လျက်ရှိပြီး ရဲဘော်များ၏ ကျန်းမာရေးစောင့်ရှောက်မှုများကိုလည်း ကြိုးစားဆောင်ရွက်နေသည်ဟု ဆိုသည်။
မည်သည့်အခြေနေတွင်မဆို စစ်မြေပြင်ကယ် ဆယ်ရေး နှင့် ရဲဘော်ကျန်းမာရေး စောင့်ရှောက်မှုများကို အစွမ်းကုန်ကြိုးစားဆောင်ရွက်သွားမည်ဖြစ်ကြောင်း MPRT က ကတိပြုသည်။
စစ်တပ်၏ မတရားအာဏာသိမ်းပြီးနောက်ပိုင်း ခုခံတော်လှန်စစ်တွင် ကရင်နီပြည်နယ်မှ ပြည်သူနှစ်သိန်းဝန်းကျင်ခန့်မှာ နေရပ်ဒေသမှစွန့်ခွာ၍ စစ်ဘေးရှောင်နေရဆဲ ဖြစ်သည်။
