စစ်ကိုင်းမြို့ရှိ ဘော်ဂါကျောက်ဝိုင်းအား ဖောက်ခွဲရေးပြုလုပ်မည်ဟု PDFခေါင်းဆောင်တစ်ဦး အမည် အလွဲသုံးစားပြု ပစ်စာပို့သွားခြင်းမှာ လုံးဝမလုပ်ကြောင်း စစ်ကိုင်းခရိုင်တပ်ရင်း (၁)တပ်ရင်းမှူး ဗိုလ်ယက္ခက ပြောသည်။
![ခြိမ်းခြောက်စာနှင့် ဘော်ဂါကျောက်ဝိုင်းအား တွေ့ရစဥ်။ ဓာတ်ပုံ-ဒေသခံ](https://i0.wp.com/www.ludunwayoo.com/wp-content/uploads/2022/08/300966218_449453187244139_5498108597889686534_n.jpg?resize=717%2C1024&ssl=1)
ယနေ့ (သြဂုတ် ၂၂ ရက်) ရက်စွဲဖြင့် စစ်ကိုင်းခရိုင်တပ်ရင်း (၁)တပ်ရင်းမှူး ဗိုလ်ယက္ခအမည်ကို အလွဲသုံးစားပြုလုပ်ပြီး ဘော်ဂါကျောက်ဝိုင်းနှင့် အမှတ် (၈၄)သစ်စက်တို့အား ဖောက်ခွဲရေးပြုလုပ်မည်ဆိုသော ပစ်စာများ ပစ်သွားကြောင်း ဗိုလ်ယက္ခက အသိပေးသည်။
![ခြိမ်းခြောက်စာနှင့် ဘော်ဂါကျောက်ဝိုင်းအား တွေ့ရစဥ်။ ဓာတ်ပုံ-ဒေသခံ](https://i0.wp.com/www.ludunwayoo.com/wp-content/uploads/2022/08/299303918_449452993910825_5493091651661070815_n.jpg?resize=720%2C405&ssl=1)
မိမိသည် ပြည်သူ့ကာကွယ်ရေးတပ်မတော်သားတစ်ယောက်ဖြစ်သဖြင့် ပြည်သူလူထုအား အဓိကပစ်မှတ်ထားပြီး ဖောက်ခွဲရေးများပြုလုပ် မည်မဟုတ်ကြောင်း၊ မိမိတို့သည် စစ်ရေးနှင့်စစ်ဆင်ရေးများကိုလည်း ကြိုတင်အသိပေးစာပို့ကာ ပြုလုပ်မည်မဟုတ်ကြောင်း ဗိုလ်ယက္ခက ပြောသည်။
မိမိတို့ပစ်မှတ်ထားသော အကြမ်းဖက်စစ်ကောင် စီတပ်များနှင့် စစ်ကောင်စီထောက်တိုင်များကိုသာ ပြုလုပ်သွားမည်ဖြစ်ကြောင်း၊ ပြည်သူများရှိသော စျေးများ၊ စာသင်ကျောင်းများ၊ ဆေးရုံများ၊ ဘာသာရေးအဆောက်အအုံများကို လုံးဝတိုက်ခိုက်သွားမည်မဟုတ်ကြောင်း ဗိုလ်ယက္ခက အသိပေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)