မကွေးတိုင်း၊ ရေစကြိုမြို့နယ်ရှိ အကြမ်းဖက်စစ်ကောင်စီတပ် မီးရှို့ဖျက်ဆီးသွားသည့် ကျေးရွာများကို စစ်ကိုင်းတိုင်းအခြေစိုက် PDFအဖွဲ့များက ဆန်အပါအဝင် ရိက္ခာများသွားရောက်လှူဒါန်းပေးခဲ့ကြောင်း မြောင် CDSOM အဖွဲ့က ထုတ်ပြန်သည်။
သြဂုတ်အတွင်း စစ်ကောင်စီတပ်က ရေစကြိုမြို့နယ်အတွင်းရှိ ဒေသခံပြည်သူများ၏ နေအိမ်များအား ဝင်ရောက်မီးရှို့ဖျက်ဆီးခဲ့ရာ နေအိမ် ၈၀၀ထက်မနည်း ပျက်စီးဆုံးရှုံးခဲ့သည်။
![(ရေစကြိုနယ်ရှိ မီးရှို့ခံရသော ကျေးရွာများအား မြောင် CDSOMအဖွဲ့ သွားရောက်လှူဒါန်းနေစဥ်။ ဓာတ်ပုံ - CDSOM)](https://i0.wp.com/www.ludunwayoo.com/wp-content/uploads/2022/08/299364084_450039843852140_5414604500061998287_n.png?resize=720%2C405&ssl=1)
ထိုသို့ မီးရှို့ခံရသည့် အိုးအိမ်မဲ့ပြည်သူများအတွက် မြောင်မြို့နယ်ပြည်သူ့ကာကွယ်ရေးနှင့် လုံခြုံရေးအဖွဲ့ – CDSOM ၊ မြင်းမူမြို့ပြတော်လှန်ရေးအဖွဲ့ – CRF Myinmu နှင့် အမျိုးသမီးစစ်သည်တော်တပ်ရင်း (မြောင်) – M2Wတို့က ဆန်အိတ် ၃၀၊ ဆီ တစ်ပုံး၊ ဆား တစ်အိတ်၊ ဟင်းသီးဟင်းရွက်၊ ခေါင်းအုံးနှင့် စောင်များအား Silver Lining Programme အစီအစဉ်ဖြင့် သွားရောက်လှူဒါန်းခဲ့ကြောင်း CDSOM အဖွဲ့က ယမန်နေ့ (သြဂုတ် ၂၂ ရက်) အသိပေးသည်။
![(ရေစကြိုနယ်ရှိ မီးရှို့ခံရသော ကျေးရွာများအား မြောင် CDSOMအဖွဲ့ သွားရောက်လှူဒါန်းနေစဥ်။ ဓာတ်ပုံ - CDSOM)](https://i0.wp.com/www.ludunwayoo.com/wp-content/uploads/2022/08/299862176_450039920518799_3085536023337189076_n.png?resize=720%2C405&ssl=1)
![(ရေစကြိုနယ်ရှိ မီးရှို့ခံရသော ကျေးရွာများအား မြောင် CDSOMအဖွဲ့ သွားရောက်လှူဒါန်းနေစဥ်။ ဓာတ်ပုံ - CDSOM)](https://i0.wp.com/www.ludunwayoo.com/wp-content/uploads/2022/08/300174235_450040027185455_2204589914615152341_n.png?resize=720%2C324&ssl=1)
ရေစကြိုမြို့နယ်၊ ရေလယ်ကျွန်းဒေသရှိ PDFအဖွဲ့များသည် မြောင် CDSOM အဖွဲ့ အပါအဝင် စစ်ကိုင်းတိုင်းအခြေစိုက်အဖွဲ့များနှင့် ပူးပေါင်းကာ စစ်ကောင်စီတပ်အား ခုခံတော်လှန်လျက်ရှိသည်။
စစ်ကောင်စီတပ်၏ မီးရှို့ဖျက်ဆီးခံရမှုတွင် စစ်ကိုင်းတိုင်းနှင့် မကွေးတိုင်းမှာ အမြင့်ဆုံးတွင်ရှိနေပြီး ဒေသတွင်း PDFအဖွဲ့များက ကူညီလှူဒါန်းမှုများ ပြုလုပ်နေသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)