အရပ်သားဟန်ဆောင်၍ သတင်းထောက်လှမ်းနေသည့် စစ်ကောင်စီတပ်သားတစ်ဦးကို ဖမ်းဆီးရမိကြောင်း ကရင်နီအမျိုးသားများကာကွယ်ရေးတပ်(KNDF) တပ်ရင်း -၂ က ယနေ့(သြဂုတ် ၂၈ ရက်) ထုတ်ပြန်သည်။
လွိုင်ကော်စစ်ဒေသအခြေစိုက် KNDF တပ်ရင်း -၂ ၏ လှုပ်ရှားရာနယ်မြေအား လာရောက်သတင်းထောက်သောစစ်ကောင်စီတပ်သားမှာ တပ်မ (၆၆)လက်အောက်ခံ ခလရ(၁) မှ ဖြစ်သည်။
၎င်းကို ယမန်နေ့(သြဂုတ် ၂၇ရက်)က KNDFတပ်ရင်း(၂)တပ်ခွဲ – ၂၊1008 တပ်ရင်း၊LKPDFတို့မှ ပူး ပေါင်းကာ နယ်မြေရှင်းလင်းစဥ် ဖမ်းဆီးမိခဲ့ခြင်းလည်းဖြစ်သည်။
ကောင်းကောင်းမွန်မွန် ဖမ်းဆီးမေးမြန်းရာဝန်ခံသဖြင့် ပြစ်မှုထင်ရှားသောကြောင့် ကရင်နီပြည်နယ်ရဲတပ်ဖွဲ့ KSPထံသို့ လွှဲပြောင်းပေးခဲ့ကြောင်း KNDF တပ်ရင်း (၂) က ပြောသည်။
ကရင်နီ(ကယား)ပြည်နယ်တွင် နေ့စဥ်တိုက်ပွဲများ ပြင်းထန်နေပြီး စစ်ကောင်စီတပ်က လွိုင်ကော်၊ ဒီးမော့ဆိုနှင့် ဖရူဆိုမြို့နယ်တို့တွင် စစ်ရေးလှုပ်ရှားမှုများတိုးချဲ့လာနေကြောင်း KNDF က ထုတ်ပြန်ထားသည်။
