ဒီနေ့ပြင်ပဈေးကွက်မှာ ကျပ်ငွေ နဲ့ ထိုင်းဘတ်ငွေလဲလှယ်နှုန်းဟာ ၁ ဘတ်ကို ၁၁၅ ကျပ်အထိ ဖြစ်လာပါတယ်။
ဒေါ်လာဈေးနဲ့အပြိုင်ဆိုသလိုပဲ ထိုင်းဘတ်ငွေဈေးဟာလည်း တက်လာတာပါ။
အာဏာမသိမ်းခင်က ထိုင်း ၁ ဘတ်ကို ၄၅ ကျပ်ဝန်းကျင်သာရှိခဲ့သာဖြစ်ပြီး စစ်တပ်အာဏာလုပြီး ၁၈ လကျော်အကြာမှာ ကျပ်ငွေ တန်ဖိုးဟာ ထိုးစိုက်သွားပြီး တဘတ်ကို ၁၀၀ ကျပ်ကျော်ထိ ဖြစ်သွားတာပါ။
မြန်မာနိုင်ငံဟာ ထိုင်းနိုင်ငံဆီကနေ လူသုံးကုန်ပစ္စည်းတွေဝယ်ယူတင်သွင်းရတဲ့အတွက် အခုလို ကျပ်ငွေ တန်းဖိုးကျပြီး ထိုင်းဘတ်ဈေးတက်နေချိန်မှာ ထိုင်းထုတ်ပစ္စည်းတွေ ဈေးထပ်မံမြင့်တက်နေပါတယ်။
စစ်ကောင်စီဟာ ထိုင်းဘတ်ဈေးတက်တာနဲ့ပတ်သက်ပြီး ပြီးခဲ့တဲ့ ရက်ပိုင်းတွေက. မြဝတီ နယ်စပ် မှာရှိတဲ့ ငွေလဲလုပ်ငန်း လုပ်ကိုင်သူတွေကို ဖမ်းဆီးတာတွေ လုပ်ခဲ့ပါသေးတယ်။
