တနသ်ာရီတိုင်း လောင်းလုံးမြို့နယ်အတွင်းရှိ ကျေးရွာနှစ်ရွာမှ ငွေကြေးချမ်းသာသည့် နေအိမ်နှစ်လုံးကို စစ်ကောင်စီတပ်နှင့် ပျူများပေါင်း၍ လက်နက်ပြခြိမ်းခြောက်၍ ရွှေငွေနှင့် တန်ဖိုးရှိပစ္စည်းများအနုကြမ်းစီးယူဆောင်သွားကြောင်းလောင်းလုံး(ပကဖ)ကယနေ့ (စက်တင်ဘာ ၁)ရက်တွင်ထုတ်ပြန်သည်။
သြဂုတ် ၃၁ ရက်ည ၁၀ နာရီကျော်ကစစ်အုပ်စုမှတပ်ရင်းမှူး (G1)၊ ဗျူဟာမှူးနှင့် စစ်ကောင်စီတပ်သားများအပါအဝင် ပျူစောထီးခေါင်းဆောင်ချစ်စမ်းမောင်ဆိုသူနှင့် အဖွဲ့သည် ဆိုင်ကယ်ခြောက်စီး၊ကားတစ်စီးဖြင့်လောင်းလုံးနယ်ညောင်ပြင်ကျေးရွာမှနေအိမ်တစ်အိမ်ကိုစီးနင်းလုယက်ခဲ့ခြင်းဖြစ်သည်။
ထိုသို့ဝင်ရောက်စီးနင်းစဥ် ပြည်သူပိုင်ပစ္စည်းများဖြစ်သော ရွှေ (၃၀)ကျပ်သားနှင့် ကျပ်သိန်း (၁၇၀)ကျော်ကို အိမ်ရှင်များထံမှ ခြိမ်းခြောက်ယူဆောင်ကာ အနုကြမ်းစီးသွားသည်ဟုလောင်းလုံပကဖက ဖော်ပြထားသည်။
အလားတူ ယမနေ့ညပိုင်း၌ပင် သဘော့ဆိပ်ကျေးရွာအုပ်စု ပြင်ကြီးရွာ(ရှိုင်သာယာ)မှ ပျူစောထီးခေါင်းဆောင်ဟောင်း ဇော်မျိုးဦးဆိုသူ၏ဇနီး မမီးဝေအား သဘော့ဆိပ်ပျူခေါင်းဆောင် ဦးလေးလေး၏တပည့် ကပ္ပလီဝင်းဇော်ဦးဆိုသူက ဦးခေါင်းအား သေနတ်ဖြင့်တေ့ပြီး ရွှေငွေများထုတ်ပေးရန် ခြိမ်းခြောက်ခဲ့သည်။
ထို့အပြင် ပျူစောထီးဆိုသူများက မမီးဝေအား သေနတ်ဖြင့်ပစ်ခတ်ခဲ့သောကြောင့် အရေးပေါ် ဆေးကုသမှုခံယူနေရကြောင်း လောင်းလုံး(ပကဖ)မှ တော်လှန်ရေးရဲ ဘော်တစ်ဦးက လူထုနွေဦးသို့ ပြောသည်။
“ပစ်ခံရတဲ့ပြည်သူက ဆေးကုနေတယ်ခင်ဗျ။ ရွှေငွေရှိထားတာ သတင်းရလို့ ခုလိုအနုကြမ်းစီးလုယက်တာ ဖြစ်မယ် ထင်တယ်ဗျ”ဟု ၎င်းရဲဘော်က ဆက်ပြောသည်။
စစ်အုပ်စု၏ အထက်ပါလုပ်ရပ်များမှာ ပြည်သူများထံအ ကြမ်းဖက်ဓါးပြတိုက် လူသတ်မှုဖြင့်အကြောက်တရားအားရိုက်သွင်းကာ တစ်ဖက်တွင်လည်း PDF နှင့် ပြည်သူများသွေးကွဲအောင်ပြုလုပ်နေကြခြင်းဖြစ်သည်ဟု လောင်းလုံး(ပကဖ)က သုံးသပ်ထားသည်။
ထို့ကြောင့် လောင်းလုံးမြို့နယ်ရှိ မိဘပြည်သူများအတက်နိုင်ဆုံး လုံခြုံသည့်နေရာများတွင် နေပေးရန်နှင့် မိမိတို့၏ အဖိုးတန်ပစ္စည်းများကိုလုံခြုံစွာသိမ်းဆည်းထားရှိရန်အကြံပြုတိုက်တွန်းထားသည်။
