လေးဦးထက်မနည်း ထိခိုက်၊ နှစ်ဦးဒဏ်ရာပြင်းထန်ဟုဆို
မန္တလေးမြို့ မဟာအောင်မြေမြို့နယ်တွင် ပြုလုက်သည့် စစ်အုပ်စုတွေ့ဆုံပွဲအား ဗုံးထုတိုက်ခိုက်ခဲ့ရာ လေးဦးထက်မနည်း ထိခိုက်ဒဏ်ရာရသွားပြီး နှစ်ဦးဒဏ်ရာပြင်းထန်ကြောင်း MDY-PDF က ယနေ့(စက်တင်ဘာ ၃) ထုတ်ပြန် သည်။
စက်တင်ဘာ ၁ ရက် နံနက်ပိုင်းက မဟာအောင်မြေမြို့နယ် မဟာနွယ်စဥ်ရပ်ကွက်၊ ၄၀ × ၄၁ လမ်းနှင့် ၇၁ × ၇၂ ကြားရှိ ဗောဓိပင်ဘုရားဓမ္မာရုံအတွင်း စစ်အုပ်စုထောက်ခံသူများနှင့် စည်းရုံးဟောပြောမှုပြုလုပ်နေစဥ် MDY-PDF နှင့် People’s Dictatorship Revolutionary Force-PDRF တို့မှ ဗုံးပစ်တိုက် ခိုက်ခဲ့ခြင်းဖြစ်ကြောင်း ဖော်ပြသည်။
![](https://i0.wp.com/www.ludunwayoo.com/wp-content/uploads/2022/09/305188071_457726849750106_6182713306750204402_n.jpg?resize=649%2C1024&ssl=1)
အဆိုပါတိုက်ခိုက်မှုကြောင့် စစ်ကောင်စီလက် အောက်ခံ မြို့နယ်ပြန်ကြားရေးနှင့် ပြည်သူ့ဆက် ဆံရေးဦးစီးမှူး ဦးဘိုဘိုဟန်နှင့် ရာအိမ်မှူး ဦးညွှန့် လွင် အပါအဝင် လေးဦးဒဏ်ရာ(မစိုးရိမ်ရ)ရရှိခဲ့ရာ နှစ်ဦးမှာ ဒဏ်ရာပြင်းထန်သည်ဟု ဆိုသည်။
“ကျွန်ုပ်တို့ စုံစမ်းရရှိသည်မှာ လူအများအပြား ဒဏ်ရာရရှိခဲ့ပြီး နှစ်ဦးပြင်းထန် ဒဏ်ရာနှင့်အရေးပေါ် ဆေးရုံတင်ထားရသည်ဟုသိရပြီး ခွေးသေများပင်ရှိနိုင်ကြောင်းသိရှိခဲ့ရပါ သည်”ဟု MDY-PDF က ဖော်ပြသည်။
MDY-PDF အနေဖြင့် စစ်ဆင်ရေးများအား အလျင်းသင့်သလို ပြုလုပ်သွားမည်ဖြစ်သောကြောင့် မိဘပြည်သူများအနေဖြင့် စစ်ကောင်စီနှင့်ပတ်သက်ဆက်နွယ်နေသောနေရာများနှင့် ဝေးနိုင်သမျှ သတိထား၍နေထိုင်ကြပါရန် ထပ်မံသတိပေးတောင်းဆိုအပ်ပါသည်ဟု ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)