စစ်ကိုင်းတိုင်း၊ မုံရွာခရိုင်၊ ဘုတလင်မြို့နယ်ရှိ မောင်းထောင်ကျေးရွာကို စစ်ကောင်စီတပ် ဝင်ရောက် အကြမ်းဖက်မီးရှို့၍ နေအိမ်၂ဝခန့် မီးလောင်ပျက်စီးခဲ့ပြီး ဒေသခံပြည်သူ သုံးဦး သတ်ဖြတ်ခံခဲ့ရကြောင်း ဒေသတွင်း သတင်းရင်းမြစ်များက ပြောသည်။
ယမန်နေ့ (စက်တင်ဘာလ ၅ ရက်) နံနက်ပိုင်းက ဘုတလင်မြို့နယ်၊ မောင်းထောင်ကျေးရွာကို စစ်ကောင်စီတပ်များက ဝင်ရောက်မီးရှို့ရာတွင် နေအိမ် ၂၀မီးလောင်ပြီး ပြည်သူသုံးဦးအသတ်ခံရကြောင်း ဒေသခံများက ပြောသည်။
ပြီးခဲ့သည့် သြဂုတ် ၁၇ ရက်ကလည်း ဘုတလင်မြို့နယ် အနောက်ဇီးတောရွာသို့ စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ လက်နက်ကြီးဖြင့် ပစ်ခတ်ခဲ့ရာ ပြည်သူနှစ်ဦး ထိမှန်၍ တစ်ဦးသေဆုံးကာ တစ်ဦးဒဏ်ရာရရှိခဲ့သည်။
“ဘုတလင်မြို့နယ်ကို စစ်ကြောင်းထိုးနေတဲ့ပျူများဟာ မင်းကင်းပန်းဆက်က ပျူများ ဖြစ်ပါတယ်။ ကလိမ်ကကျစ်အကျဆုံးဖြစ်ပါတယ်။
မနက်က မောင်းထောင် မီးရှို့အင်အား ၁၅ဦးလောက်ရှိတယ်။ စစ်ကူကတော့ စစ်ကား၃စီး အင်အားအပြည့်ဖြစ်ပါတယ်။”ဟု နယ်ခံတစ်ဦးက ပြောသည်။
ဘုတလင်မြို့နယ်တွင် မင်းကင်းနယ်မှတစ်ဆင့် စစ်ကောင်စီတပ်နှင့်ပျူများ စစ်ကြောင်းထိုးဖျက် ဆီးမှုများ ပြုလုပ်လေ့ရှိသည်။
