ကချင်ဒေသပြည်သူ့ကာကွယ်ရေးတပ်(KPDF) မြို့လှတပ်ဖွဲ့ဝင်များ၏ မိုင်းဆွဲတိုက်ခိုက်မှုကြောင့် စစ်ကောင်စီတပ်မှ ၃ဦးသေဆုံးပြီးဒဏ်ရာရသူများရှိကြောင်း မြို့လှ KPDFက သတင်းထုတ်ပြန်သည်။
ယနေ့စက်တင်ဘာ ၆ရက် နံနက်ကရွှေကူမြို့နယ် သာယာကုန်းရွာအနီးတိုက်ပွဲဖြစ်ရာ အင်အား ၇၃ ဦး ပါစစ်ကောင်စီတပ်ကို မြို့လှ KPDF တပ်ခွဲ (၁) ဗိုလ်မိုးကြိုး ဦးဆောင်သော တပ်စိတ်မှူး လင်းဝါ ပါဝင်သောအဖွဲ့မှ မိုင်းများဖြင့် တိုက်ခိုက်ခဲ့ခြင်းဖြစ်သည်။
![စစ်ကောင်စီတပ်ကိုမိုင်းဆွဲတိုက်ခိုက်ပြီးနောက်သွေးကွက်အချို့ကိုတွေ့ရစဥ်။ ။ဓါတ်ပုံ-မြို့လှPDF](https://i0.wp.com/www.ludunwayoo.com/wp-content/uploads/2022/09/301770881_460008786188579_1977639360136585477_n.jpg?resize=880%2C396&ssl=1)
အဆိုပါတိုက်ခိုက်မှုကြောင့် မိုင်းကွင်းအတွင်း ဝင်လာသည့် ၃ဦးနေရာတင်သေဆုံးပြီး ၅ဦးထက်မနည်းဒဏ်ရာရခဲ့ကြောင်း မြို့လှ KPDFက သတင်းထုတ်ပြန်သည်။
![စစ်ကောင်စီတပ်ကိုမိုင်းဆွဲတိုက်ခိုက်ပြီးနောက်သွေးကွက်အချို့ကိုတွေ့ရစဥ်။ ။ဓါတ်ပုံ-မြို့လှPDF](https://i0.wp.com/www.ludunwayoo.com/wp-content/uploads/2022/09/302104751_460008829521908_5650241074397513488_n.jpg?resize=425%2C567&ssl=1)
စစ်ကောင်စီဘက်မှ အထိနာကာ သာယာကုန်းရွာဘက်သို့ လက်နက်ကြီး လက်နက်ငယ်များဖြင့် ရမ်းသမ်းပစ်ခတ် ဝင်ရောက်ခဲ့ရာ သက်ကြီးရွယ်အိုအမျိုးသားတစ်ဦးလက်နက်ကြီးကျည်စ ထိမှန် ဒဏ်ရာရခဲ့သည်ဟုဆိုသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ထို့အပြင်စစ်ကောင်စီတပ်က ကျေးရွာရှိ ပြည်သူနေအိမ် ၁ လုံး မီးရှို့ခြင်း၊ နေအိမ် ၂ လုံး ရိုက်ဖျက်ခြင်း တို့လုပ်ဆောင်ခဲ့ကြောင်း၊တိုက်ခိုက်မှုအတွင်း မြို့လှ KPDFတပ်ဖွဲ့များအထိအခိုက်မရှိကြောင်း ထုတ်ပြန်ခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)