စစ်ကိုင်းတိုင်း တန့်ဆည်မြို့နယ် ချောင်ဆုံ(တောင်)ကျေးရွာရှိ ပျူစောထီးနှင့် စစ်ကောင်စီတပ်များ အထိုင်ချလေ့ရှိသည့် ပျူခေါင်းဆောင်စိန်ချိုနေအိမ်အား ဒရုန်းဖြင့်ဗုံးကြဲတိုက်ခိုက်ခဲ့ကြောင်း တန့်ဆည်မြို့နယ် ပြည်သူ့ကာကွယ်ရေးတပ်ဖွဲ့က ယနေ့(စက်တင်ဘာ ၇) ထုတ်ပြန် သည်။
ယမန်နေ့နေ့လယ် ၂ နာရီဝန်းကျင်က ချောင်းဆုံ (တောင်)ရွာမှ ပျူစောထီးခေါင်းဆောင် စိန်ချိုဆိုသူ၏ နေအိမ်အား ဒရုန်းဖြင့် မီးလောင်ဗုံးနှစ်လုံးချ၍ တိုက်ခိုက်ခဲ့ကြောင်း ဖော်ပြသည်။
အဆိုပါတိုက်ခိုက်မှုကြောင့် ပျူခေါင်းဆောင် စိန်ချို၏ နေအိမ်နှစ်လုံး မီးလောင်းပျက်စီးသွားပြီး အထိုင်ချထားသော ပျူစောထီးများ ထိခိုက်မှုရှိနိုင်သည်ဟု တန့်ဆည်(ပ.က.ဖ)က ဆိုသည်။
ဖြစ်စဥ်နှင့်ပတ်သက်၍ တန့်ဆည် ပကဖအဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။
ချောင်းဆုံ(တောင်)ရွာတွင် စစ်ကောင်စီတပ်များ တပ်စွဲထားပြီး ယခင်ကလည်း မကြာခဏ တိုက်ခိုက်ခံခဲ့ရဖူးသည်
စစ်ကောင်စီတပ်များနှင့် ပျူစောထီးများ အထိုင်ချတပ်စွဲလေ့ရှိသော ပျူခေါင်းဆောင် စိန်ချိုဆိုသူ၏နေအိမ်အား ပြီးခဲ့သည့် သြဂုတ် ၅ ရက်ကလည်း ဒေသကာကွယ်ရေးပူးပေါင်းတပ်ဖွဲ့ကများက စီးနင်းတိုက်ခိုက်ခဲ့ရာ ပျူစောထီးတစ်ဦးသေဆုံးခဲ့သည်။
