ကချင်ပြည်နယ် ပူတာအိုမြို့နယ် ဆန်ဂေါင်ကျေးရွာတွင် မိုးသည်းထန်စွာရွာပြီးနောက် ကျောက်ဆောင်တစ်ခုပြိုကျရာ ဒေသခံသားအဖနှစ်ဦး ကျောက်တုံးပိ သေဆုံးမှုဖြစ်ပွားခဲ့သည်။
ဆန်ဂေါင်ရွာမှ ဦးနန်ဟီးဒီးနှင့် သားဖြစ်သူ နန်ဟီးဖုန်ရမ်သည် ယမန်နေ့(စက်တင်ဘာလ ၇ရက်) နေ့လည်တွင် တောင်ယာလုပ်ငန်းခွင်ဝင်နေချိန် ကျောက်တုံးပိသေဆုံးခဲ့ရခြင်းဟု ဒေသခံများကပြောသည်။
“ရှေ့ဆက် မိသားစု၏ ဘဝရှင်သန်ရေးအတွက်ရုန်းကန်နေရင်းကျောက်တုံးကြီးပြိုကျရာမှသားအဖ နစ်ဦးစလုံး အသက်ဆုံရူံးသွားခဲ့ရပါတယ်”ဟု ပူတာအိုမြို့မှ လူငယ်တစ်ဦးက ဆိုသည်။
ပူတာအိုမြို့နယ်တွင် ယခုရက်ပိုင်း မိုးကောင်းနေ သည်။ ဒေသတွင်း ကျောက်ဆောင်များသည် ကျစ်လစ်အားနည်းပြီး ပြိုကျလွယ်၍ ဂရုတစိုက် နေသင့်ကြောင်း မြို့ခံများက ကျေးလက်တွင်နေထိုင်သူများကို သတိပေးနေကြသည်။
လတ်တလောကာလသည် အနောက်တောင်မုတ် သုံလေ ဆုတ်ခွာနေသည့်ကာလဖြစ်၍ နေရာကွက် မိုးကြီးတတ်သလို ဘင်္ဂလားပင်လယ်အော်မှလေဖိအားနည်းရပ်ဝန်းကြောင့်လည်း ဒေသအများစု မိုးဆက်ကောင်းနိုင်ကြောင်း သတိပေးချက်များရှိနေသည်။
