လက်နက်အင်အားမမျှ၍ စခန်းတစ်ခု မီးရှို့ဖျက် ဆီးခံလိုက်ရကြောင်း မကွေးတိုင်း၊ ယောဒေသအခြေစိုက်The Youth Force (Saw&Kyaukhtu) က ယနေ့(စက်တင်ဘာ ၁၁ ရက်).ထုတ်ပြန် သည်။
ယမန်နေ့(စက်တင်ဘာ ၁၀ ရက်)က အကြမ်းဖက် စစ်ကောင်စီ၏ တပ်မ (၇၇)မှ အင်အား ၉၀ပါအဖွဲ့သည် စစ်ကြောင်းထိုး၍ TYF ၏ နယ်မြေအတွင်းဝင်ရောက်လာခြင်းဟု ဆိုသည်။
“ကျောက်ထု အမြှောက်တပ်က နေထွက်လာတာ။ထိပ်တိုက်ယှဥ်ပစ်ဖို့က အင်အား မမျှတော့ စခန်းကိုစွန့်လိုက်တယ်”ဟု TYF တာဝန်ရှိသူက လူထုနွေဦးသို့ ပြောသည်။
![မီးရှို့ဖျက်ဆီးခံခဲ့ရသော TYF စခန်းခွဲတစ်ခုအားတွေ့ရစဉ်၊ ဓာတ်ပုံ - TYF](https://i0.wp.com/www.ludunwayoo.com/wp-content/uploads/2022/09/304129948_463252005864257_8623799988859792952_n.jpg?resize=880%2C660&ssl=1)
TYFတပ်ဖွဲ့ဝင်များ ဘေးကင်းပြီးစစ်အသုံး အဆောင်ပစ္စည်းများ တစ်စုံတစ်ရာပါဝင်သွားခြင်း မရှိသော်လည်း စခန်း၏တဲများကို အကြမ်း ဖက်စစ်ကောင်စီတပ်က မီးရှို့သွားခဲ့ကြောင်း အသိပေးသည်။
ထို့အပြင် စခန်းအနီးအနားရှိ ပြည်သူများ၏တဲများနှင့် လှည်းကိုလည်း မီးရှို့ဖျက်ဆီးသွားခဲ့ ကြောင်း ဖော်ပြသည်။
![မီးရှို့ဖျက်ဆီးခံခဲ့ရသော TYF စခန်းခွဲတစ်ခုအားတွေ့ရစဉ်၊ ဓာတ်ပုံ - TYF](https://i0.wp.com/www.ludunwayoo.com/wp-content/uploads/2022/09/303349746_463251935864264_1301114752223013799_n.jpg?resize=880%2C660&ssl=1)
![မီးရှို့ဖျက်ဆီးခံခဲ့ရသော TYF စခန်းခွဲတစ်ခုအားတွေ့ရစဉ်၊ ဓာတ်ပုံ - TYF](https://i0.wp.com/www.ludunwayoo.com/wp-content/uploads/2022/09/306349261_463251985864259_8923037483743842270_n.jpg?resize=720%2C960&ssl=1)
အဆိုပါစစ်ကောင်စီတပ် စစ်ကြောင်းသည် ဇမ္မူတောင်အနီးအနားတွင် စစ်ရေးလှုပ် ရှားလျက်ရှိနေသေးကြောင်းလည်း TYF က ဆိုသည်။
စစ်ကောင်စီကို တိုက်ခိုက်ရာတွင် TYF အနေဖြင့် လက်နက်ပစ္စည်းကူညီထောက်ပံ့မှုများရရှိရေးကို တော်လှန်ရေးစတင်ချိန်မှ ယနေ့အချိန်အထိ မျှော်လင့်နေရဆဲသာဖြစ်ကြောင်း အသိပေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)